മാലിന്യപ്പെട്ടിയില്‍ സ്വര്‍ണം ഒളിപ്പിക്കാന്‍ ശ്രമിച്ച കാസര്‍കോട് സ്വദേശി പിടിയില്‍

മംഗലാപുരം: വിമാനത്താവളത്തിലെ മാലിന്യപ്പെട്ടിയിൽ രണ്ടു കിലോ സ്വ൪ണം ഒളിപ്പിക്കാൻ ശ്രമിച്ച കാസ൪കോട് സ്വദേശിയെ ഡി.ആ൪.ഐ ഉദ്യോഗസ്ഥ൪ പിടികൂടി. കാസ൪കോട്ടെ സമീ൪ മുഹമ്മദിനെ (29)യാണ് പിടികൂടിയത്. വെള്ളിയാഴ്ച രാത്രി ദുബൈയിൽ നിന്നത്തെിയ എയ൪ ഇന്ത്യ എക്സ്പ്രസിലെ യാത്രക്കാരനാണ് സമീ൪.
സുരക്ഷാ പരിശോധനക്ക് പോകും മുമ്പ് വിമാനത്താവളത്തിലെ ടോയ്ലറ്റിലത്തെിയ സമീ൪ അവിടെയുണ്ടായിരുന്ന മാലിന്യപ്പെട്ടിയിൽ സ്വ൪ണം ഇടുകയായിരുന്നു. തുട൪ന്ന് പരിശോധനക്ക് ഹാജരായി. എന്നാൽ, സ്വ൪ണക്കടത്തിനെക്കുറിച്ച് മുൻകൂട്ടി വിവരം ലഭിച്ച ഡി.ആ൪.ഐ ഉദ്യോഗസ്ഥ൪ നേരത്തേതന്നെ സമീറിനെ രഹസ്യമായി നിരീക്ഷിച്ചിരുന്നു. ഇയാളെ ചോദ്യം ചെയ്തപ്പോൾ സ്വ൪ണം മാലിന്യപ്പെട്ടിയിൽ നിക്ഷേപിക്കാനാണ് നി൪ദേശം ലഭിച്ചതെന്നായിരുന്നു മറുപടി. ഇവിടെവെച്ച് സ്വ൪ണമെടുക്കാൻ മറ്റൊരാൾ വരുമെന്നും പക്ഷേ, ഇയാളെ തനിക്കറിയില്ളെന്നും സമീ൪ മൊഴി നൽകി.