സക്കര്‍ബര്‍ഗ് സ്കൂളുകള്‍ക്ക് 12 കോടി ഡോളര്‍ നല്‍കും

വാഷിങ്ടൺ: ഫേസ്ബുക് മേധാവി മാ൪ക് സക്ക൪ബ൪ഗ് 12 കോടി ഡോള൪ (ഏതാണ്ട് 720 കോടി രൂപ) സാൻഫ്രാൻസിസ്കോ ഉൾക്കടൽ പ്രദേശത്തെ സ്കൂളുകളുടെ നില മെച്ചപ്പെടുത്താൻ സംഭാവന ചെയ്യും. സക്ക൪ബ൪ഗും ഭാര്യ പ്രിസ്സില്ല ചാനും ചേ൪ന്ന് സാൻജോ മെ൪ക്കുറി ന്യൂസിൽ എഴുതിയ കുറിപ്പിലാണ് ഇക്കാര്യം വെളിപ്പെടുത്തിയത്. സിലിക്കൺ വാലി മേഖലയിൽ നല്ല സ്കൂളുകളുടെ അഭാവം തിരിച്ചറിഞ്ഞാണ് നടപടി. നാലു വ൪ഷം മുമ്പ് ന്യൂയോ൪ക്കിലെയും ന്യൂജഴ്സിയിലെയും സ്കൂളുകൾക്കായി 10 കോടി ഡോള൪ നൽകിയിരുന്നു. വിദ്യാഭ്യാസ മേഖലയിലാണ് സക്ക൪ബ൪ഗ് കൂടുതലായി ഊന്നുന്നത്. ഭാര്യ മുൻ അധ്യാപിക കൂടിയാണ്.