ജനമൈത്രി പൊലീസ് പഠനോപകരണ വിതരണം

പരവൂര്‍: ജനമൈത്രി പൊലീസിന്‍െറ നേതൃത്വത്തില്‍ പഠനോപകരണം വിതരണം ചെയ്തു. കോട്ടപ്പുറത്ത് ചാത്തന്നൂര്‍ എ.സി.പി എസ്. മധുസൂദനന്‍ ഉദ്ഘാടനം ചെയ്തു. സി.ബി.എസ്.ഇ പരീക്ഷയില്‍ ഉന്നത വിജയം നേടിയ വിഷ്ണുമായക്ക് ഉപഹാരം നല്‍കി. കൗണ്‍സിലര്‍ വി. പ്രകാശ് അധ്യക്ഷത വഹിച്ചു. പരവൂര്‍ എസ്.ഐ എസ്.എം. പ്രദീപ്കുമാര്‍, കൗണ്‍സിലര്‍മാരായ ഒ. ഷൈലജ, ജെ. വിജയകുമാരക്കുറുപ്പ്, അസി. പബ്ളിക് പ്രോസിക്യൂട്ടര്‍ മഞ്ജുള ഇട്ടി, എം. സഫീര്‍, ജനമൈത്രി സി.പി.ഒ സനോജ്, ബീറ്റ് ഓഫിസര്‍ രാജേഷ്കുമാര്‍ തുടങ്ങിയവര്‍ പങ്കെടുത്തു. കേരള ഓട്ടോറിക്ഷാ ഡ്രൈവേഴ്സ് കോണ്‍ഗ്രസ്, ഹെഡ്ലോഡ് മര്‍ച്ചന്‍റ്സ് യൂനിയന്‍ എന്നിവയുടെ ആഭിമുഖ്യത്തില്‍ നടന്ന പഠനോപകരണ വിതരണ ചടങ്ങ് ഡി.സി.സി വൈസ് പ്രസിഡന്‍റ് എ.കെ. ഹഫീസ് ഉദ്ഘാടനം ചെയ്തു. കെ.പി.സി.സി അംഗം നെടുങ്ങോല രഘു, എസ്. രമണന്‍, എ. ഷുഹൈബ്, പരവൂര്‍ സജീബ്, സുധീര്‍ ചെല്ലപ്പന്‍ തുടങ്ങിയവര്‍ സംസാരിച്ചു. യൂനിയന്‍ പ്രസിഡന്‍റ് തെക്കുംഭാഗം ഹാഷിം അധ്യക്ഷത വഹിച്ചു.