ബീജാപൂര്‍ അക്രമം: മുന്‍ ബി.ജെ.പി കേന്ദ്രമന്ത്രി അറസ്റ്റില്‍

ബംഗളൂരു: നരേന്ദ്ര മോദി സ൪ക്കാറിൻെറ സത്യപ്രതിജ്ഞക്ക് മുന്നോടിയായി ബീജാപൂരിൽ നടന്ന ആക്രമങ്ങളുമായി ബന്ധപ്പെട്ട് മുൻ കേന്ദ്രമന്ത്രിയും ബി.ജെ.പി മുതി൪ന്ന നേതാവുമായ ബസനഗൗഡ പാട്ടീൽ യത്നാൽ അറസ്റ്റിൽ. കലാപത്തിന് പ്രേരിപ്പിച്ച് പ്രകോപനപരമായി പ്രസംഗിച്ചെന്ന കേസിലാണ് അറസ്റ്റ്. മഹാരാഷ്ട്രക്കടുത്ത കൊൽഹാപൂരിലെ ഒളികേന്ദ്രത്തിൽ നിന്നാണ് ഇദ്ദേഹത്തെ ക൪ണാടക പൊലീസ് അറസ്റ്റുചെയ്തത്. സംഭവവുമായി ബന്ധപ്പെട്ട് വ൪ഗീയ കലാപക്കുറ്റം ചുമത്തി മറ്റു 26 പേരെയും ബുധനാഴ്ച പൊലീസ് അറസ്റ്റുചെയ്തു. കണ്ടാലറിയാവുന്ന മറ്റു 100 പേ൪ക്കെതിരെ കൂടി കേസെടുത്തിട്ടുണ്ട്. വ൪ഗീയ കലാപശ്രമം, നിയമവിരുദ്ധ കൂടിച്ചേരൽ, പൊതുമുതൽ നശിപ്പിക്കൽ, പൊലീസുകാ൪ക്കെതിരായ അക്രമം തുടങ്ങിയ കുറ്റങ്ങൾ ചുമത്തിട്ടിയിട്ടുണ്ട്.