Begin typing your search above and press return to search.
exit_to_app
exit_to_app
Homechevron_rightTECHchevron_rightമഹത്തായ സംഭാവനകള്‍...

മഹത്തായ സംഭാവനകള്‍ നല്‍കാന്‍ വിദ്യാര്‍ഥിസമൂഹത്തിന് കഴിയണം -വി.എസ്. ശിവകുമാര്‍

text_fields
bookmark_border
മഹത്തായ സംഭാവനകള്‍ നല്‍കാന്‍ വിദ്യാര്‍ഥിസമൂഹത്തിന് കഴിയണം -വി.എസ്. ശിവകുമാര്‍
cancel
തിരുവനന്തപുരം: രാഷ്ട്രത്തിന് മഹത്തായ സംഭാവനകള്‍ നല്‍കാന്‍ വിദ്യാര്‍ഥിസമൂഹത്തിന് കഴിയണമെന്ന് മന്ത്രി വി.എസ്. ശിവകുമാര്‍. ജീവിതത്തിലുടനീളം വിജയം ആവര്‍ത്തിക്കണം. പഠനമേഖലകളുടെ ഔത്യങ്ങളിലേക്കുള്ള പ്രയാണത്തില്‍ നല്ല പൗരന്മാരായി വളരാന്‍ കഴിയണമെന്നും അദ്ദേഹം പറഞ്ഞു. തിരുവനന്തപുരം നിയമസഭാ മണ്ഡലത്തിലെ വിവിധ സ്കൂളുകളില്‍നിന്ന് എസ്.എസ്.എല്‍.സി-പ്ളസ്ടു പരീക്ഷകളില്‍ മികച്ച വിജയം നേടിയ വിദ്യാര്‍ഥികളെ അനുമോദിക്കാന്‍ കോട്ടണ്‍ഹില്‍ സ്കൂളില്‍ സംഘടിപ്പിച്ച ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. ഓരോ വിജയവും ഉത്തരവാദിത്തങ്ങള്‍ വര്‍ധിപ്പിക്കുമെന്ന് തിരിച്ചറിഞ്ഞ് സധൈര്യം മുന്നേറണമെന്ന് ഡി. ബാബുപോള്‍ അനുമോദനസന്ദേശത്തില്‍ പറഞ്ഞു. എസ്.എസ്.എല്‍.സി പരീക്ഷയില്‍ എല്ലാ വിഷയങ്ങളിലും എ പ്ളസ് നേടിയ 149 കുട്ടികള്‍ക്കും പ്ളസ്ടു പരീക്ഷയില്‍ എല്ലാ വിഷയങ്ങള്‍ക്കും എ പ്ളസ് നേടിയ 162 കുട്ടികള്‍ക്കും പുസ്തകങ്ങളും പൂച്ചെണ്ടുകളും മധുരപലഹാരങ്ങളും സമ്മാനിച്ചു. ട്രിഡ ചെയര്‍മാന്‍ പി.കെ. വേണുഗോപാല്‍, കൗണ്‍സിലര്‍ സുരേഷ്കുമാര്‍, ഡോ. ആരിഫ, ഹെഡ്മിസ്ട്രസ് കെ. ഊര്‍മിളാ ദേവി, എസ്.എം.സി ചെയര്‍മാന്‍ ശിവന്‍കുട്ടി, കെ.എസ്. മോഹന്‍ദാസ് എന്നിവര്‍ പങ്കെടുത്തു.
Show Full Article
TAGS:
Next Story