ആര്‍.എസ്.എസ് പ്രവര്‍ത്തകന് വെട്ടേറ്റ സംഭവത്തില്‍ മൂന്നുപേര്‍ അറസ്റ്റില്‍

എരുമപ്പെട്ടി: എയ്യാല്‍ അമ്പത് വീട് കോളനിയില്‍ ആര്‍.എസ്.എസ് പ്രവര്‍ത്തകന് വെട്ടേറ്റ സംഭവത്തില്‍ മൂന്നുപേരെ അറസ്റ്റ് ചെയ്തു. എയ്യാല്‍ അമ്പത് വീട് കോളനിയില്‍ പാറയ്ക്കല്‍ വീട്ടില്‍ ജുനൈദ് (19), തങ്ങള്‍പടി കൊട്ടിലിങ്ങല്‍ വീട്ടില്‍ ഷഫീഖ് (27), ചിറമനേങ്ങാട് പന്നിത്തടം വാകയില്‍ വീട്ടില്‍ മഹാദീര്‍ (22) എന്നിവരെയാണ് എരുമപ്പെട്ടി പൊലീസ് അറസ്റ്റ് ചെയ്തത്. ഈ മാസം 11ന് വൈകീട്ട് ഏഴിന് എയ്യാല്‍ അമ്പതുവീട് കോളനിയിലെ സുഹൃത്തിന്‍െറ വിവാഹത്തില്‍ പങ്കെടുക്കാനെത്തിയപ്പോള്‍ ആര്‍.എസ്.എസ് പ്രവര്‍ത്തകനായ മരത്തംകോട് എ.കെ.ജി നഗറില്‍ കിഴക്കേവീട്ടില്‍ കണ്ണനാണ് (27) ആക്രമണത്തിനിരയായത്. കൈക്ക് വെട്ടേറ്റ കണ്ണന്‍ ചികിത്സയിലാണ്. പ്രതികളെ ചൊവ്വാഴ്ച കോടതിയില്‍ ഹാജരാക്കും.