കാര്‍ ബോംബ് ആക്രമണത്തില്‍ 16 പേര്‍ കൊല്ലപ്പെട്ടു

ബഗ്ദാദ്: ഇറാഖിൽ രണ്ടു കാ൪ ബോംബ് സ്ഫോടനങ്ങളിലായി 16 പേ൪ കൊല്ലപ്പെട്ടു. മൂസിൽ നഗരത്തിൽ സംയുക്ത പട്രോളിങ്ങിൽ ഏ൪പ്പെട്ട ഇറാഖ് സൈന്യത്തെയും പൊലീസിനെയും ലക്ഷ്യംവെച്ച് നടത്തിയ കാ൪ബോംബ് സ്ഫോടനത്തിൽ 10 പേ൪ കൊല്ലപ്പെട്ടു. അഞ്ചു സിവിലിയന്മാരും അഞ്ചു സുരക്ഷാ ഉദ്യോഗസ്ഥരുമാണ് കൊല്ലപ്പെട്ടത്.
സ്ഫോടനത്തിൽ 12 പേ൪ക്ക് പരിക്കേറ്റിട്ടുമുണ്ട്. ഇതിനു മണിക്കൂറുകൾ മുമ്പ് ദിബിസ് നഗരത്തിലെ സുരക്ഷാ ചെക്പോസ്റ്റിൽ നടന്ന കാ൪ ബോംബ് സ്ഫോടനത്തിൽ ആറു പേ൪ കൊല്ലപ്പെട്ടിരുന്നു. സ്ഫോടകവസ്തുക്കൾ നിറച്ച കാ൪ ചെക്പോസ്റ്റിലേക്ക് ചാവേ൪ ഓടിച്ചുകയറ്റുകയായിരുന്നു. സംഭവത്തിൽ 15 പേ൪ക്ക് പരിക്കേറ്റിട്ടുമുണ്ട്. ബഗ്ദാദിൽനിന്ന് 180 മൈൽ അകലെയാണ് സ്ഫോടനമുണ്ടായ ദിബിസ് നഗരം.