ഒൗദ്യോഗിക വസതി ഒഴിഞ്ഞില്ല; കെജ് രിവാളിന് നോട്ടീസ്

ന്യൂഡൽഹി: മുഖ്യമന്ത്രി സ്ഥാനം ഒഴിഞ്ഞിട്ടും ഒൗദ്യോഗിക വസതി ഉപയോഗിക്കുന്ന ആം ആദ്മി പാ൪ട്ടി നേതാവ് അരവിന്ദ് കെജ്രിവാൾ 85,000 രൂപ വാടക അടക്കണമെന്ന് നോട്ടീസ്. സെൻട്രൽ ഡൽഹി തിലക് ലെയിനിലെ സി-11-23 നമ്പ൪ വീട്ടിൽ താമസിക്കുന്നതിനുള്ള സമയം നീട്ടി നൽകണമെന്ന് കെജ്രിവാൾ നേരത്തേ ആവശ്യപ്പെട്ടിരുന്നു. മേയിൽ മകളുടെ പരീക്ഷ തീരുന്നതുവരെ ഒൗദ്യോഗിക വസതിയിൽ താമസിക്കാൻ അനുവാദം നൽകണമെന്നായിരുന്നു കെജ്രിവാളിൻെറ അപേക്ഷ.
മാ൪ച്ച് ഒന്നുമുതൽ താമസിക്കുന്നതിൻെറ വാടകയായാണ് 85,000 രൂപ അടക്കാൻ ആവശ്യപ്പെട്ടിരിക്കുന്നത്. പൊതുമരാമത്ത് സ്പെഷൽ സെക്രട്ടറിയുടേതാണ് നോട്ടീസ്. നിയമപ്രകാരം വെറും 15 ദിവസംമാത്രമാണ് സ്ഥാനമൊഴിഞ്ഞ മുഖ്യമന്ത്രിക്ക് ഒൗദ്യോഗിക വസതിയിൽ താമസിക്കാൻ കഴിയുക.