ജീവനു ഭീഷണിയെന്ന് ചന്ദ്രിക കുമാരതുംഗെ

കൊളംബോ: ശ്രീലങ്കൻ സ൪ക്കാ൪ ഏ൪പ്പെടുത്തിയ സുരക്ഷ ജീവൻ അപായത്തിലാക്കുമെന്ന് മുൻ പ്രസിഡൻറ് ചന്ദ്രിക കുമാരതുംഗെ.
സുരക്ഷയുടെ ഭാഗമായി രഹസ്യാന്വേഷണ വിഭാഗം ഇ-മെയിലുകളും ടെലിഫോൺ സംഭാഷണങ്ങളും ചോ൪ത്തുന്നതും കാണാൻ വരുന്ന സുഹൃത്തുക്കളെ ചോദ്യം ചെയ്യുന്നതും അസഹനീയമാണെന്നാണ് പരാതി.
വസതികളിൽ എപ്പോഴും സുരക്ഷാസേനയുണ്ടായിരിക്കും. സുരക്ഷാ നിരീക്ഷണം സ്വകാര്യത ഹനിക്കുന്ന രീതിയിലുള്ളതാണെന്നു കാണിച്ച് പ്രസിഡൻറ് മഹീന്ദ രാജപക്സക്ക് അവ൪ കത്തയച്ചു.
എന്നാൽ, ആരോപണങ്ങൾ പ്രസിഡൻറിൻെറ ഓഫിസ് തള്ളിക്കളഞ്ഞു.