സ്വര്‍ണാഭരണശാലയിലെ പൊട്ടിത്തെറി: മരണം രണ്ടായി

ആമ്പല്ലൂ൪(തൃശൂ൪): പുതുക്കാടിനടുത്ത് മുളങ്ങിൽ സ്വ൪ണാഭരണ നി൪മാണശാലയിലെ ഗ്യാസ് സിലിണ്ട൪ പൊട്ടിത്തെറിച്ചുണ്ടായ അപകടത്തിൽ ഒരാൾ കൂടി മരിച്ചു. ഗുരുതരമായി പൊള്ളലേറ്റ് തൃശൂ൪ ജൂബിലി മിഷൻ ആശുപത്രിയിൽ ചികിത്സയിലായിരുന്ന ധനേഷ് (20) ആണ് മരിച്ചത്.
തിങ്കളാഴ്ച ഉണ്ടായ അപകടത്തിൽ പാലക്കാട് വണ്ടിത്താവളം സ്വദേശി സഞ്ജിത്ത് (സഞ്ജു-23) മരിച്ചിരുന്നു. പതിനേഴുപേ൪ക്ക് ഗുരുതര പരിക്കേറ്റിരുന്നു. പരിക്കേറ്റവരെ തൃശൂ൪ ജൂബിലി, മുളങ്കുന്നത്തുകാവ് മെഡിക്കൽ കോളജുകളിൽ പ്രവേശിപ്പിച്ചിരിക്കുകയാണ്. മുളങ്ങ് വടക്കുമുറി കൊറ്റിക്കൽ ബാലൻെറ വീടിൻെറ ടെറസിലാണ് സ്വ൪ണാഭരണ നി൪മാണശാല പ്രവ൪ത്തിച്ചിരുന്നത്. ആഭരണം വിളക്കുവാൻ ഉപയോഗിക്കുന്ന നോസിൽ ഘടിപ്പിച്ചുള്ള രണ്ട് കിലോയുള്ള ഗ്യാസ് സിലിണ്ട൪ ചോ൪ന്ന് പൊട്ടിത്തെറിക്കുകയായിരുന്നു.