പുസി റയട്ടിലെ രണ്ടുപേര്‍ അറസ്റ്റില്‍

സോചി: റഷ്യ രണ്ട് പുസി റയട്ട് സംഘാംഗങ്ങളെ തടവിലാക്കി. സംഘാംഗമായ നടേഷ ടൊളോക്കോണിക്കോവയാണ് തന്നെയും കൂട്ടത്തിലെ മറ്റൊരാളെയും സോചി ഒളിമ്പിക്സ് വേദിക്കടുത്തുള്ള ഡൗൺടൗണിൽ പൊലീസ് പിടികൂടിയതായി ട്വിറ്ററിൽ അറിയിച്ചത്. അലകിന, ടൊളോക്കോണിക്കോവ എന്നിവരെയാണ് മോഷണക്കുറ്റംചുമത്തി പൊലീസ് അറസ്റ്റുചെയ്തത്. അലകിനയും ടൊളോക്കോണിക്കോവയും റഷ്യൻ പ്രസിഡൻറ് വ്ളാദിമി൪ പുടിനെതിരെ പ്രകടനം നടത്തിയതിന് രണ്ടുവ൪ഷം ജയിൽ വാസം അനുഭവിച്ചിട്ടുണ്ട്. കഴിഞ്ഞ ഡിസംബറിലാണ് രണ്ടു പേരെയും പുറത്തുവിട്ടത്.