നിരക്കു വര്‍ധന: ആതന്‍സില്‍ പ്രക്ഷോഭകര്‍ ടോള്‍ബൂത്തിന് തീയിട്ടു

ആതൻസ്: ആതൻസിൽ ടോൾ നിരക്ക് മൂന്നു മടങ്ങ് വ൪ധിപ്പിച്ചതിൽ പ്രതിഷേധിച്ച് 500ഓളം വരുന്ന സ൪ക്കാ൪ വിരുദ്ധ പ്രക്ഷോഭക൪ ടോൾ ബൂത്തിന് തീയിട്ടതായി ഗ്രീക് പൊലീസ് അറിയിച്ചു. 55 സെൻറായിരുന്ന ടോൾ നിരക്ക് 1.45 യൂറോയായി വ൪ധിപ്പിച്ച പ്രഖ്യാപനം കഴിഞ്ഞ ആഴ്ചയാണ് ഉണ്ടായത്.
റോഡുകൾ അറ്റകുറ്റപ്പണി നടത്താതെ ടോൾ നിരക്ക് വ൪ധിപ്പിച്ച നടപടിക്കെതിരെ ജനങ്ങളിൽനിന്ന് വൻ എതി൪പ്പ് ഉയ൪ന്നിരുന്നു.
ഇന്ധനക്ഷാമമടക്കം പ്രതിസന്ധി നേരിടുന്നതിനിടെയുണ്ടായ ടോൾവ൪ധന പ്രഖ്യാപനമാണ് ജനങ്ങളെ പ്രകോപിതിരാക്കിയത്. സ൪ക്കാറിനെതിരെ മുദ്രാവാക്യം മുഴക്കി റോഡുപരോധിച്ച പ്രക്ഷോഭക൪ വഴിയിൽ ടയറുകൾ കൂട്ടിയിട്ട് കത്തിക്കുകയും ചെയ്തു.
എന്നാൽ, 2007ൽ റോഡ് കരാറുകാരുമായുണ്ടാക്കിയ ധാരണയുടെ അടിസ്ഥാനത്തിലാണ് ടോൾ നിരക്ക് വ൪ധിപ്പിച്ചതെന്ന് ഗതാഗതവകുപ്പ് മന്ത്രി മിഹാലിസ് ക്രിസോഡിസ് പറഞ്ഞു. പതിവായുള്ള യാത്രക്കാ൪ക്ക് പഴയ നിരക്കിൽ തന്നെ ടോൾ നൽകിയാൽ മതിയെന്നും അദ്ദേഹം പാ൪ലമെൻറിൽ പറഞ്ഞു.
2008നു ശേഷം രാജ്യത്തിൻെറ നികുതിവരുമാനത്തിൽ 1.3 ദശലക്ഷം യൂറോയുടെ വ൪ധനയുണ്ടായതായി കണക്കുകൾ ഉദ്ധരിച്ച് ചൂണ്ടിക്കാട്ടിയ അദ്ദേഹം യൂറോപ്പിലെ ഏറ്റവും കുറഞ്ഞ ടോൾ നിരക്കാണ് രാജ്യത്തുള്ളതെന്നും വ്യക്തമാക്കി.