കൂറുമാറ്റം: കഠിനംകുളം പഞ്ചായത്തില്‍ നാലുപേര്‍ അയോഗ്യര്‍

തിരുവനന്തപുരം: കൂറുമാറ്റനിരോധനനിയമം ലംഘിച്ചതിന് തിരുവനന്തപുരം ജില്ലയിലെ കഠിനംകുളം ഗ്രാമപഞ്ചായത്തിലെ നാലംഗങ്ങളെ സംസ്ഥാന തെരഞ്ഞെടുപ്പ് കമീഷണ൪ കെ. ശശിധരൻനായ൪ അയോഗ്യരാക്കി. മറ്റൊരംഗമായ ടെൽമ ജോൺ നൽകിയ ഹരജിയിലാണ് ബ്ളെയ്സി ഡിക്സൺ, റീത്ത ഡാഡ്ലി, ടെൽമ നെൽസൺ, ലക്ഷ്മി കുമാരി എന്നിവരെ അയോഗ്യരാക്കിയത്.
കോൺഗ്രസ് ടിക്കറ്റിൽ മത്സരിച്ച് ജയിച്ചശേഷം എതി൪പക്ഷത്തോടൊപ്പം ചേ൪ന്ന് സ്വന്തം കക്ഷിയിലെ പ്രസിഡൻറിനെ അവിശ്വാസത്തിലൂടെ പുറത്താക്കിയ നടപടി കൂറുമാറ്റമാണെന്ന് വിലയിരുത്തിയ കമീഷൻ നാലംഗങ്ങളെയും അയോഗ്യരാക്കി. തദ്ദേശതെരഞ്ഞെടുപ്പിൽ മത്സരിക്കുന്നതിൽ നിന്ന് ഇവരെ ആറ് വ൪ഷത്തേക്ക് വിലക്കിയിട്ടുണ്ട്.