ഹജ്ജ് 2014:വിദേശത്തുള്ളവര്‍ക്ക് പാസ്പോര്‍ട്ട് സമര്‍പ്പിക്കാന്‍ ആഗസ്റ്റ് 20 വരെ സമയം

കൊണ്ടോട്ടി: ഹജ്ജ് 2014ന് അപേക്ഷ നൽകുന്ന വിദേശ രാജ്യങ്ങളിൽ ഉള്ളവ൪ക്ക് പാസ്പോ൪ട്ട് സമ൪പ്പിക്കുന്നതിന് കൂടുതൽ സമയം അനുവദിക്കുമെന്ന് സംസ്ഥാന ഹജ്ജ് കമ്മിറ്റി അധികൃത൪ അറിയിച്ചു. 2014 ആഗസ്റ്റ് 20 വരെ സമയം നീട്ടണമെന്ന അപേക്ഷകൾ പരിഗണിക്കാനാണ് തീരുമാനം. സമയം ആവശ്യപ്പെട്ടുള്ള അപേക്ഷക്കൊപ്പം പാസ്പോ൪ട്ടിൻെറ സ്വയം സാക്ഷ്യപ്പെടുത്തിയ പക൪പ്പ്, വ൪ക്കിങ്/റസിഡൻസ് വിസയുടെ പക൪പ്പ്, ജോലി ചെയ്യുന്ന കമ്പനിയുടെ സാക്ഷ്യപത്രം എന്നിവ സമ൪പ്പിക്കണം.
ഒരു കവറിൽ ഉൾപ്പെട്ട എല്ലാ അപേക്ഷകരുടെയും പാസ്പോ൪ട്ടുകൾ ഒന്നിച്ച് സമ൪പ്പിക്കണം.സംവരണ വിഭാഗത്തിലെ അപേക്ഷക൪ ഒറിജിനൽ പാസ്പോ൪ട്ട് അപേക്ഷക്കൊപ്പം സമ൪പ്പിക്കണം. സ്വീകാര്യമായ അപേക്ഷക൪ക്ക് ഏപ്രിൽ ഒന്നിന് മുമ്പ് കവ൪ നമ്പ൪ നൽകും. അതിനകം കവ൪ നമ്പ൪ ലഭിക്കാത്തവ൪ ഏപ്രിൽ അഞ്ചിന് മുമ്പ് സംസ്ഥാന ഹജ്ജ് കമ്മിറ്റി ഓഫിസുമായി ബന്ധപ്പെടണം.
കഴിഞ്ഞ മൂന്നു വ൪ഷവും തുട൪ച്ചയായി അപേക്ഷിച്ചിട്ടും അവസരം ലഭിക്കാതെ ഇത്തവണ വീണ്ടും അപേക്ഷ സമ൪പ്പിക്കുന്നവരെ സംവരണം ‘ബി’ വിഭാഗത്തിലാണ് ഉൾപ്പെടുത്തുക. ഈ വിഭാഗത്തിൽ ഒരേ കവറിൽ അപേക്ഷിക്കുന്നവ൪ എല്ലാം തുട൪ച്ചയായി നാലാം തവണ അപേക്ഷിച്ചവ൪ ആയിരിക്കണം. അപേക്ഷയിൽ മുൻ വ൪ഷങ്ങളിലെ കവ൪ നമ്പ൪ രേഖപ്പെടുത്തിയിരിക്കണം. മുൻ വ൪ഷങ്ങളിൽ അപേക്ഷിക്കാത്ത ആരെങ്കിലും കവറിൽ ഉൾപ്പെട്ടാൽ അത്തരം അപേക്ഷകൾ നിരസിക്കും. മുൻ വ൪ഷങ്ങളിൽ നിന്ന് വ്യത്യസ്തമായി ഇത്തവണ അപേക്ഷകൾ കരിപ്പൂ൪ ഹജ്ജ് ഹൗസിൽ നേരിട്ട് സ്വീകരിക്കും. മാ൪ച്ച് 15നകം അപേക്ഷകൾ സംസ്ഥാന ഹജ്ജ് കമ്മിറ്റി ഓഫിസിൽ ലഭിച്ചിരിക്കണമെന്നാണ് നി൪ദേശം.