വളയത്ത് വീട്ടു പറമ്പില്‍ സ്ഫോടനം

കോഴിക്കോട്: നാദാപുരത്തിനടുത്ത് വളയത്ത് വീട്ടുപറമ്പിൽ സ്ഫോടനം. വളയം പഞ്ചായത്തിലെ ഒ.പി മുക്കിലെ വീട്ടുപറമ്പിലാണ് ഇന്നു പുല൪ച്ചെ ആറിന് സഫോടനം നടന്നത്. വലിയ കുഞ്ഞ്യാലിൽ കുഞ്ഞബ്ദുളളയുടെ വീട്ടുപറമ്പിൽ പ്ളാസ്റ്റിക്ക് പാത്രത്തിൽ കുഴിച്ചിട്ട വെടിമരുന്ന് മിശ്രിതം പൊട്ടിത്തെറിച്ചാണ് സ്ഫോടനമുണ്ടായതെന്നാണ് പ്രാഥമിക വിവരം. ആ൪ക്കും പരിക്കേറ്റിട്ടില്ല.
ബോംബ് നി൪മിക്കാനായി കുഴിച്ചിട്ടതായിരുന്നു ഇതെന്ന് പോലീസ് പറഞ്ഞു. നാദാപുരം സിഐ എ.എസ്. സുരേഷ്കുമാറിന്‍്റെ നേതൃത്വത്തിലുള്ള പൊലീസ് സംഘം സ്ഥലത്ത് ക്യാമ്പ് ചെയ്യുന്നുണ്ട്. സംഭവത്തെക്കുറിച്ച് അന്വേഷണം തുടങ്ങി.