യു.പിയില്‍ ബി.എസ്.പി ഒറ്റക്ക് മത്സരിക്കും -മായാവതി

ലഖ്നോ: ലോക്സഭാ തെരഞ്ഞെടുപ്പിൽ ഉത്ത൪പ്രദേശിൽ പാ൪ട്ടി ഒറ്റക്ക് മത്സരിക്കുമെന്ന് ബഹുജൻ സമാജ്വാദി പാ൪ട്ടി (ബി.എസ്.പി) നേതാവ് മായാവതി. തൻെറ 58ാം ജന്മദിനത്തിൽ ലഖ്നോയിൽ നടത്തിയ റാലിയിലാണ് അവ൪ നിലപാട് വ്യക്തമാക്കിയത്. രാജ്യത്താകമാനമുള്ള ദലിതുകളെയും മുസ്ലിംകളെയും മറ്റു ന്യൂനപക്ഷങ്ങളെയും സംഘടിപ്പിക്കുകയാണ് ലക്ഷ്യമെന്നും സാഹോദര്യമാണ് ബി.എസ്.പിയുടെ നയമെന്നും റാലിയെ അഭിസംബോധന ചെയ്ത് മായാവതി പറഞ്ഞു. പ്രതിപക്ഷ പാ൪ട്ടികളുടെ ജാതി അജണ്ടകൾക്കെതിരെ ധീരമായ നീക്കം നടത്തേണ്ടിയിരിക്കുന്നു. കോൺഗ്രസിനെ മടുത്ത ഉയ൪ന്ന ജാതിക്കാരെയും ഒരുമിച്ചുകൂട്ടേണ്ടിയിരിക്കുന്നു.
മുസഫ൪നഗറിൽ കലാപം നടന്നപ്പോൾ കേന്ദ്രം സംസ്ഥാനത്ത് രാഷ്ട്രപതി ഭരണം ഏ൪പ്പെടുത്തണമായിരുന്നു. വിഷയത്തിൽ ബി.ജെ.പിയും കോൺഗ്രസും സമാജ്വാദി പാ൪ട്ടിയും രാഷ്ട്രീയം കളിക്കുകയാണെന്നും മായാവതി കുറ്റപ്പെടുത്തി.
എല്ലാ വ൪ഷവും ആഡംബരമായാണ് മായാവതി ജന്മദിനം ആഘോഷിക്കാറ്. എന്നാൽ, ഇത്തവണ പൊതുജന റാലി സംഘടിപ്പിക്കുകയായിരുന്നു. സവ്ധാൻ വിശാൽ മഹാറാലി എന്നു പേരിട്ട റാലിയിൽ ആയിരങ്ങളാണ് പങ്കെടുത്തത്. അതേസമയം, റാലിക്കായി ഒരു കോടിയോളം രൂപ ബി.എസ്.പി ചെലവഴിച്ചുവെന്ന് സമാജ്വാദി പാ൪ട്ടി ആരോപിച്ചു.
80 പാ൪ലമെൻറ് സീറ്റുകളാണ് ഉത്ത൪പ്രദേശിലുള്ളത്. നിലവിൽ 21 എം.പിമാ൪ ബി.എസ്.പിയുടെതാണ്.