ഗള്‍ഫ് സെഷനില്‍ പരാതിപ്പെരുമഴ; പറഞ്ഞൊഴിഞ്ഞ് മന്ത്രിമാര്‍

ന്യൂഡൽഹി: പ്രവാസി ഭാരതീയ ദിവസ് സമ്മേളനത്തിൽ ഗൾഫ് പ്രവാസികൾക്കായി നീക്കിവെച്ച സെഷനിൽ പ്രശ്നങ്ങളുടെ പെരുമഴ. മന്ത്രിമാ൪ പ്രസംഗം വെട്ടിച്ചുരുക്കി പ്രവാസികളുടെ ചോദ്യങ്ങൾ കേട്ടു. വ൪ഷങ്ങളായി ആവ൪ത്തിക്കുന്ന ചോദ്യങ്ങൾക്ക് എവിടെയും തൊടാതെ മന്ത്രിമാ൪ മറുപടി പറഞ്ഞൊഴിഞ്ഞെങ്കിലും പ്രവാസി ഭാരതീയ ദിവസിൽ ഇക്കുറി ഗൾഫ് പ്രവാസി പ്രശ്നത്തിൽ അൽപം നീണ്ട ച൪ച്ച നടന്നു.
രാവിലെ നടന്ന കേരള സെഷനിൽ ചോദ്യമുന്നയിക്കാനുള്ള അവസരം നിഷേധിക്കപ്പെട്ടതിനെ തുട൪ന്ന് ഗൾഫ് പ്രവാസികൾ ഹാളിനു പുറത്ത് പ്രതിഷേധിച്ചു. ഇതേതുട൪ന്നാണ് ഗൾഫ് സെഷനിൽ പ്രവാസികൾക്ക് സംസാരിക്കാൻ കൂടുതൽ അവസരം നൽകാൻ അധികൃത൪ തയാറായത്.
പൊതുവിൽ സ൪ക്കാറിനെതിരായിരുന്നു പ്രവാസി വികാരമെങ്കിലും നിതാഖാത് പ്രശ്നം പരിഹരിച്ചതിന് മന്ത്രിമാരായ ഇ. അഹമ്മദിനും വയലാ൪ രവിക്കും അഭിനന്ദനവും ലഭിച്ചു. എയ൪ ഇന്ത്യയുടെ കൊള്ളയെക്കുറിച്ചായിരുന്നു പരാതികളേറെയും. അത് പ്രശ്നമാണെന്ന് സമ്മതിച്ച പ്രവാസികാര്യ മന്ത്രി വയലാ൪ രവി, പ്രശ്നത്തിന് പരിഹാരമുണ്ടാകുമെന്ന് ഉറപ്പു നൽകി. 25 വ൪ഷമായി കേൾക്കുന്നതാണ് ഇതെന്ന് സദസ്സ് പ്രതികരിച്ചു.
ടിക്കറ്റ് നിരക്കിലെ 50 ശതമാനം നികുതി കുറച്ചാൽ മതിയെന്ന് വൈ.എ. റഹീം ചൂണ്ടിക്കാട്ടി. ഇക്കാര്യം ധനമന്ത്രിയുമായി സംസാരിക്കുമെന്ന് മന്ത്രി രവി പറഞ്ഞു. ഗൾഫ് യാത്രക്കാ൪ക്ക് സബ്സിഡി നിരക്കിൽ ടിക്കറ്റ് നൽകണമെന്ന് ആവശ്യമുയ൪ന്നപ്പോൾ നല്ല നി൪ദേശമാണെന്നായിരുന്നു മന്ത്രി അഹമ്മദിൻെറ പ്രതികരണം. മറ്റു രാജ്യങ്ങളിലെ പ്രവാസികൾ വോട്ട് ചെയ്യുമ്പോൾ ഇന്ത്യൻ പ്രവാസികൾക്ക് അവകാശം നിഷേധിക്കുന്നത് എന്തുകൊണ്ടെന്നായിരുന്നു അടുത്ത ചോദ്യം. ഇലക്ഷൻ കമീഷൻ അനുവദിക്കാതെ പോസ്റ്റൽ വോട്ട് പോലുള്ളവ സാധ്യമല്ളെന്ന് രവി വ്യക്തമാക്കി. യു.എ.ഇയുമായി തടവുകാരെ കൈമാറുന്നതിന് കരാറുണ്ടെങ്കിലും അവിടത്തെ ജയിലുകളിലെ ഇന്ത്യക്കാരെ കൊണ്ടുവരാൻ കേന്ദ്രം ഒന്നും ചെയ്യുന്നില്ളെന്ന് അഡ്വ. ആഷിഖ് ചൂണ്ടിക്കാട്ടി. ഇതേക്കുറിച്ച് മന്ത്രിമാ൪ മറുപടി പറഞ്ഞില്ല. സൗദി ജയിലിലെ ചിലരെ മടക്കിക്കൊണ്ടുവരാൻ ഇടപെട്ടപ്പോൾ ഇന്ത്യൻ ജയിലുകളിലേക്ക് വരാൻ താൽപര്യമില്ളെന്നായിരുന്നു അവരുടെ നിലപാടെന്ന് മന്ത്രി അഹമ്മദ് പറഞ്ഞു.
എംബസികളുടെ കമ്യൂണിറ്റി വെൽഫെയ൪ ഫണ്ടിൽനിന്നുള്ള സഹായം പലപ്പോഴും ലഭിക്കുന്നില്ളെന്ന് ചില൪ ചൂണ്ടിക്കാട്ടി. വെൽഫെയ൪ ഫണ്ട് മാനദണ്ഡങ്ങൾക്ക് വിധേയമായി പൂ൪ണമായും പ്രവാസികളുടെ ആവശ്യത്തിനാണ് ചെലവഴിക്കുന്നതെന്ന് മന്ത്രി രവി വിശദീകരിച്ചു. എംബസികളിൽ വേണ്ടത്ര ഉദ്യോഗസ്ഥരില്ളെന്ന് പതിറ്റാണ്ടുകളായി പറഞ്ഞിട്ടും പരിഹാരമില്ളെന്ന് നിരവധി പേ൪ ചൂണ്ടിക്കാട്ടി.
28 ലക്ഷം പേരുള്ള സൗദിയിൽ വെൽഫെയ൪ വിഭാഗത്തിൽ അഞ്ചു ഉദ്യോഗസ്ഥ൪ മാത്രമാണുള്ളത്. ഉദ്യോഗസ്ഥരുടെ കുറവ് പരിഹരിക്കാൻ കഴിയാവുന്ന ശ്രമങ്ങൾ നടത്തിയിട്ടുണ്ടെന്ന് മന്ത്രി അഹമ്മദ് പറഞ്ഞു.
മടങ്ങിവരുന്ന പ്രവാസികൾക്ക് കേന്ദ്രം പുനരധിവാസ പദ്ധതി തയാറാക്കാത്തതിൽ വിമ൪ശമുയ൪ന്നപ്പോൾ ധനമന്ത്രി ചിദംബരത്തോട് ചോദിച്ചുവെങ്കിലും ഒന്നും ലഭിച്ചില്ളെന്ന് മന്ത്രി രവി പറഞ്ഞു. പ്രവാസി പുരസ്കാരം വ്യവസായികൾക്കും മറ്റും മാത്രമാക്കുന്നതിലുള്ള പ്രതിഷേധവും ഉയ൪ന്നു. നിസ്വാ൪ഥരായ സാമൂഹിക പ്രവ൪ത്തകരെയും പരിഗണിക്കണമെന്ന് അവ൪ ആവശ്യപ്പെട്ടു. നിതാഖാതിനുശേഷവും നിരവധി പേ൪ ശരിയായ രേഖകളില്ലാതെ സൗദിയിൽ വന്ന് കുടുങ്ങുന്നുണ്ടെന്നും സ൪ക്കാ൪ ഇക്കാര്യം ശ്രദ്ധിക്കണമെന്നും ചില൪ ചൂണ്ടിക്കാട്ടി.