ആരോപണത്തിന് തെളിവ് ഹാജരാക്കണം -കെ.സി. വേണുഗോപാല്‍

തിരുവനന്തപുരം: ആരോപണം ഉന്നയിക്കുന്നവ൪ തെളിവ് ഹാജരാക്കാനുള്ള തൻേറടം കാട്ടണമെന്ന് കേന്ദ്രമന്ത്രി കെ.സി. വേണുഗോപാൽ. ഒരു വിശ്വാസ്യതയുമില്ലാത്ത ആരോപണമാണ് തനിക്കെതിരെ പ്രതിപക്ഷനേതാവ് വി.എസ്. അച്യുതാനന്ദൻ ഉന്നയിച്ചത്. ലോക്സഭാ തെരഞ്ഞെടുപ്പ് മുന്നിൽകണ്ടാണ് ചില കേന്ദ്രങ്ങളിൽനിന്ന് തനിക്കെതിരെ ഇത്തരം അടിസ്ഥാനരഹിതമായ ആരോപണങ്ങൾ ഉയ൪ന്നുവരുന്നത്. ഇതിൽ ദുരൂഹതയുണ്ട്. തനിക്ക് ഈ കേസുമായി ഒരു ബന്ധവുമില്ല. ഏതന്വേഷണവും നേരിടാൻ തയാറാണെന്നും വേണുഗോപാൽ പത്രക്കുറിപ്പിൽ അറിയിച്ചു.