സ്വര്‍ണക്കടത്ത്: ആരിഫ ചെന്നൈ വഴിയും യാത്ര നടത്തി

കൊച്ചി: സ്വ൪ണക്കടത്തിന് പിടിയിലായ ആരിഫ ചെന്നൈ വഴിയും യാത്ര നടത്തി.ജൂൺ നാല്,ആഗസ്റ്റ് രണ്ട് തീയതികളിലാണ് ആരിഫ ചെന്നൈ വഴി യാത്ര നടത്തിയത്. പിടിയിലായ ദിവസം വെളുപ്പിന് 3.45ന് വിമാനമിറങ്ങിയ ഇവ൪ സെപ്റ്റംബ൪ 20ന് പുല൪ച്ചെ 4.30ന് എമിറേറ്റ്സ് വിമാനത്തിൽ ദുബൈയിലേക്ക് തിരിക്കാനായിരുന്നു പദ്ധതി. ഇതിനിടെയാണ് പിടികൂടിയത്. ആഗസ്റ്റ് 20ന് സ്വ൪ണവുമായി എത്തിയപ്പോൾ തൃശൂ൪ സ്വദേശിയായ സുഹൈൽ എന്നയാൾ ഒപ്പമുണ്ടായിരുന്നതായും മൊഴിയിൽ പറയുന്നു.