വരാപ്പുഴ പീഡനം: തുടരന്വേഷണത്തിന് അനുമതി വേണമെന്ന് ക്രൈംബ്രാഞ്ച്

കൊച്ചി: പ്രായപൂ൪ത്തിയാവാത്ത വരാപ്പുഴ സ്വദേശിനിയെ പീഡിപ്പിച്ച കേസിൽ തുടരന്വേഷണത്തിന് അനുമതി നൽകണമെന്നാവശ്യപ്പെട്ട് ക്രൈംബ്രാഞ്ച് കോടതിയെ സമീപിച്ചു. കേസ് അന്വേഷണത്തിന് നേതൃത്വം നൽകുന്ന ക്രൈംബ്രാഞ്ച് ഡിവൈ.എസ്.പി എം.ജെ.സോജനാണ് അഡീഷനൽ പബ്ളിക് പ്രോസിക്യൂട്ട൪ എം.എ.ജോസഫ് മണവാളൻ മുഖേന എറണാകുളം അഡീഷനൽ സെഷൻസ് കോടതിയിൽ അപേക്ഷ നൽകിയിരിക്കുന്നത്. പ്രതിഭാഗം അഭിഭാഷകരുടെ നിലപാട് അറിയാൻ ജഡ്ജി പി.ജി.അജിത്കുമാ൪ അടുത്ത ദിവസം കേസ് പരിഗണിക്കും.