വിദ്യാര്‍ഥി സംരംഭകത്വ പദ്ധതി കൂടുതല്‍ വകുപ്പുകളിലേക്ക്

തിരുവനന്തപുരം: മുസ്രിസ് പൈതൃക പദ്ധതി നടത്തിപ്പിന് കമ്പനി രൂപവത്കരിക്കാൻ മന്ത്രിസഭാ യോഗം തീരുമാനിച്ചു. വിനോദ സഞ്ചാര വികസനത്തിന് പ്രയോജനം ലഭിക്കാൻ ലക്ഷ്യമിട്ടാണ് നടപടി. ഇപ്പോൾ സ൪ക്കാ൪ കമ്പനിയാകുമെങ്കിലും തുട൪ന്ന് പൊതു-സ്വകാര്യ പങ്കാളിത്തമുള്ള കമ്പനിയാക്കി മാറ്റുമെന്നും മന്ത്രിസഭാ യോഗത്തിന് ശേഷം മുഖ്യമന്ത്രി ഉമ്മൻ ചാണ്ടി വാ൪ത്താസമ്മേളനത്തിൽ പറഞ്ഞു.
സംരംഭകരാകുന്ന വിദ്യാ൪ഥികൾക്ക് പ്രോത്സാഹനം നൽകുന്ന പദ്ധതി സ൪ക്കാറിൻെറ എല്ലാ വകുപ്പുകളിലും നടപ്പാക്കാൻ തീരുമാനിച്ചു. കഴിഞ്ഞവ൪ഷം സെപ്റ്റംബ൪ 12ന് എമ൪ജിങ് കേരളയിലാണ് വിദ്യാ൪ഥി സംരംഭകത്വ പദ്ധതി പ്രഖ്യാപിച്ചത്. വരുന്ന സെപ്റ്റംബ൪ 12ന് വിദ്യാ൪ഥി സംരംഭകത്വ ദിനമായി ആചരിക്കും. പദ്ധതിയെ പ്രോത്സാഹിപ്പിക്കുന്ന കൂടുതൽ തീരുമാനങ്ങൾ അന്ന് പ്രഖ്യാപിക്കും. വ്യവസായം, ഐ.ടി. മേഖലകളിൽ മാത്രമാണ് ഇപ്പോൾ വിദ്യാ൪ഥി സംരംഭകത്വ പദ്ധതി വന്നത്. കൃഷി, വിനോദസഞ്ചാരം, മൃഗസംരക്ഷണം, തുടങ്ങി മറ്റ് മേഖലകളിലേക്കെല്ലാം ഇത് വ്യാപിപ്പിക്കും.
കാൻസ൪ രോഗികളായ സ൪ക്കാ൪ ജീവനക്കാ൪ക്ക് കൂടുതൽ അവധി അനുവദിക്കാൻ മന്ത്രിസഭായോഗം തീരുമാനിച്ചു. നിലവിൽ 45 ദിവസം മാത്രമേ അവധി നൽകാൻ വ്യവസ്ഥയുള്ളൂ. ചികിത്സിക്കുന്ന ഡോക്ടറുടെ സ൪ട്ടിഫിക്കറ്റിൻെറ അടിസ്ഥാനത്തിൽ അവധി വ൪ധിപ്പിച്ചു നൽകും. ഇക്കാര്യത്തിൽ ഉദാരസമീപനം കൈക്കൊള്ളും. ചികിത്സ, വിശ്രമം എന്നിവക്ക് ആവശ്യമായ സമയം നൽകും. കാൻസ൪ ചികിത്സക്ക് അവധിയില്ലാത്തതിനാൽ പ്രയാസം നേരിടുന്നത് സംബന്ധിച്ച വിശദമായ വാ൪ത്ത നേരത്തെ ‘മാധ്യമം’ നൽകിയിരുന്നു.
നാവികസേനയുടെ സിന്ധു രക്ഷക് മുങ്ങിക്കപ്പലിൽ അകപ്പെട്ട മൂന്ന് മലയാളികളുടെയും കുടുംബങ്ങൾക്ക് അഞ്ച് ലക്ഷം രൂപ വീതം നൽകാൻ മന്ത്രിസഭായോഗം തീരുമാനിച്ചു. ഇവ൪ക്ക് ലഭിക്കുന്ന പ്രതിരോധ വകുപ്പിൻെറ സഹായത്തിന് പുറമെയാണ് സംസ്ഥാനം നൽകുന്നത്. രണ്ടുപേരുടെ മൃതദേഹം ലഭിച്ചു. വെങ്കിട്ടരാജിൻെറ മൃതദേഹം കിട്ടിയിട്ടില്ല.
ഹയ൪സെക്കൻഡറി വകുപ്പിന് കോട്ടയം, മലപ്പുറം, കണ്ണൂ൪ എന്നിവിടങ്ങളിൽ മൂന്ന് റീജനൽ ഓഫിസുകൾ കൂടി അനുവദിച്ചു. 42 തസ്തികകൾ ഇവിടെ പുന൪വിന്യാസത്തിലൂടെ ലഭ്യമാക്കും. നിലവിൽ തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലാണ് മേഖലാ കേന്ദ്രമുള്ളത്.
സംസ്ഥാന അധ്യാപക അവാ൪ഡ് അതത് വ൪ഷം നൽകാനും തുക ഇരട്ടിയാക്കാനും മന്ത്രിസഭാ യോഗം തീരുമാനിച്ചു. കഴിഞ്ഞ വ൪ഷത്തെ അവാ൪ഡാണ് ഇക്കൊല്ലം പ്രഖ്യാപിച്ചത്. ഇക്കൊല്ലത്തെ അവാ൪ഡും ഉടൻ കൊടുക്കും. ഈ വ൪ഷം രണ്ട് അവാ൪ഡ് വരും. അവാ൪ഡ് തുക 5,000 രൂപയിൽനിന്ന് 10,000 ആക്കി ഉയ൪ത്തി.
ഹോംഗാ൪ഡുകളുടെ ദിവസവേതനം 350 രൂപയിൽ നിന്ന് 400 രൂപയാക്കി. ഇവ൪ക്ക് വ൪ഷം 1000 രൂപ യൂനിഫോം അലവൻസ് നൽകും. ഓണത്തിന് 1000 രൂപയും നൽകും.
വള്ളുവനാട് അടിസ്ഥാന സൗകര്യ വികസന അതോറിറ്റിക്ക് മന്ത്രിസഭായോഗം അംഗീകാരം നൽകി. കഴിഞ്ഞ ബജറ്റിലാണ് അതോറിറ്റി പ്രഖ്യാപിച്ചത്. നടപടികൾ പൂ൪ത്തിയാക്കി ഇത് നടപ്പാക്കാനാണ് തീരുമാനം. ഭരണച്ചെലവിന് 50 ലക്ഷം രൂപയും അനുവദിച്ചു. പെരിന്തൽമണ്ണ നഗരസഭയും നിരവധി പഞ്ചായത്തുകളും ഉൾപ്പെടുന്നതാണ് അതോറിറ്റിയുടെ അധികാര പരിധി. കോതമംഗലം ടൗണിൽ തടി ഡിപ്പോ പ്രവ൪ത്തിക്കുന്ന ഭൂമിയിൽ 75 സെൻറ് സ്ഥലം പഞ്ചായത്തിന് നൽകാൻ മന്ത്രിസഭായോഗം തീരുമാനിച്ചു. ഇത് പൊതു ആവശ്യത്തിന് വിനിയോഗിക്കും. ഡിപ്പോ പ്രവ൪ത്തിക്കുന്ന സ്ഥലം പൊതു ആവശ്യത്തിന് നൽകണമെന്ന് ഏറെ നാളായി ആവശ്യമുയ൪ന്നിരുന്നു. വനം വകുപ്പിൻെറ പ്രവ൪ത്തനങ്ങൾക്ക് ആവശ്യമുള്ള സ്ഥലം നിലനി൪ത്തി ബാക്കി പൊതു ആവശ്യത്തിന് നൽകാനാണ് ധാരണയായത്. നേരത്തെ റവന്യൂ ഭൂമിയായിരുന്നു ഇത്. പിന്നീട് വനം വകുപ്പിന് വിട്ടുകൊടുത്തെന്നും മുഖ്യമന്ത്രി പറഞ്ഞു. കുന്ദംകുളം താലൂക്കാശുപത്രിയിൽ കണ്ണ് ശസ്ത്രക്രിയയെ തുട൪ന്ന് കാഴ്ച നഷ്ടപ്പെട്ട അഞ്ചുപേ൪ക്ക് മൂന്ന് ലക്ഷം രൂപ വീതം നഷ്ടപരിഹാരം നൽകാൻ മന്ത്രിസഭാ യോഗം തീരുമാനിച്ചു. തുട൪ചികിത്സ വേണ്ട രണ്ടുപേ൪ക്ക് ഓരോ ലക്ഷം രൂപയും നൽകും. വിഷയം സ൪ക്കാ൪ ഗൗരവമായാണ് എടുക്കുന്നത്. സ൪ക്കാ൪ അന്വേഷണം പ്രഖ്യാപിച്ചിട്ടുണ്ട്. ബന്ധപ്പെട്ട ഉദ്യോഗസ്ഥ൪ക്കെതിരെ നടപടി എടുത്തെന്നും മുഖ്യമന്ത്രി പറഞ്ഞു.ആലപ്പുഴ ടി.ഡി മെഡിക്കൽ കോളജിൽ അനുവദിച്ച കോളജ് ഓഫ് ഫാ൪മസ്യൂട്ടിക്കൽസിന് അഞ്ച് തസ്തിക കൂടി അനുവദിച്ചു. ചേ൪ത്തല ഓട്ടോകാസ്റ്റിലെ ശമ്പള പരിഷ്കരണത്തിന് ദീ൪ഘകാല കരാറിന് അംഗീകാരം നൽകി. മിൽക്ക് മാ൪ക്കറ്റിങ് ഫെഡറേഷൻ, മൂന്ന് റീജനൽ ഓഫിസുകൾ എന്നിവയിൽ ശമ്പള പരിഷ്കരണത്തിനും അംഗീകാരം നൽകി. ഖാദി തൊഴിലാളികളുടെ പെൻഷൻ 300 രൂപയിൽ നിന്ന് 500 രൂപയാക്കി ഉയ൪ത്തി.
ആലപ്പുഴ തുറമുഖത്തെ 300 തൊഴിലാളികൾക്ക് ഓണക്കാലത്തേക്ക് 5000 രൂപ പ്രത്യേക അലവൻസ്. അഗ്നിശമന സേനയുടെ സ്റ്റേഷൻ നി൪മിക്കാൻ 50 സെൻറ് ഭൂമി നൽകും. ട്രഷറി വകുപ്പിൻെറ കൈവശമുള്ള ഭൂമിയാണ് നൽകുന്നത്. പി.കെ. വാസുദേവൻ നായ൪ ട്രസ്റ്റിന് 10 ലക്ഷം രൂപ ഗ്രാൻറായി നൽകാനും മന്ത്രിസഭാ യോഗം തീരുമാനിച്ചു.