മൃതദേഹ സര്‍ക്കുലര്‍ പ്രശ്നം രാജ്യസഭയില്‍

മസ്കത്ത്: അടുത്തിടെ എയ൪ ഇന്ത്യ പുറത്തിറക്കിയ മൃതദേഹ സ൪ക്കുല൪ പ്രശ്നം കഴിഞ്ഞ ദിവസം രാജ്യസഭയിലെത്തി. മൃതദേഹം ഇന്ത്യയിലെത്തിക്കാൻ 48 മണിക്കു൪ മുമ്പ് എയ൪ ഇന്ത്യ അധികൃതരെ വിവരമറിയിക്കണമെന്ന പുതിയ സ൪ക്കുല൪ ഏറെ വിവാദം സൃഷ്ടിച്ചിരുന്നു. രാജ്യസഭയിൽ സി.പി.എമ്മിലെ ഡോ. ടി.എൻ. സീമയാണ് പ്രശ്നം ഉന്നയിച്ചത്.

മൃതദേഹം നാട്ടിലെത്തിക്കാൻ 48 മണിക്കൂ൪ മുമ്പ് അറിയിപ്പ് നൽകണമെന്ന സ൪ക്കുല൪ പ്രവാസി ഇന്ത്യക്കാ൪ക്ക് പ്രയാസം സൃഷ്ടിക്കുന്നതായി അവ൪ രാജ്യസഭയിൽ പറഞ്ഞു. പ്രശ്നത്തിൽ കേന്ദ്ര സ൪ക്കാ൪ എത്രയും പെട്ടെന്ന് ഇടപെടണമെന്നും സ൪ക്കുല൪ പിൻവലിക്കണമെന്നും അവ൪ ആവശ്യപ്പെട്ടു.

സാധാരണഗതിയിൽ അധിക ഗൾഫ് രാജ്യങ്ങളിലും മരിച്ച് ആറ് മണിക്കുറിനകം എംബാമിങും മറ്റ് നടപടി ക്രമങ്ങളും പൂ൪ത്തിയാക്കി 24 മണിക്കൂ൪ കൊണ്ട് നാട്ടിലെത്തിക്കാൻ കഴിയുമെന്നിരിക്കെ 48 മണിക്കൂ൪ മുമ്പ് റിപ്പോ൪ട്ട് ചെയ്യണമെന്ന നിയമം ഏറെ പ്രയാസം സൃഷ്ടിക്കും. പുതിയ സ൪ക്കുല൪ മൃതദേഹം നാട്ടിലെത്തിക്കാൻ കൂടുതൽ കാലതാമസമുണ്ടാക്കും. ഇത് നാട്ടിലുള്ള കുടുംബങ്ങൾക്കും മറ്റും പ്രയാസം സൃഷ്ടിക്കുമെന്നും അവ൪ പറഞ്ഞു. പ്രവാസികൾക്ക് പ്രശ്നമുണ്ടാക്കുന്ന, മരണകാരണം വ്യക്തമാക്കണമെന്ന് പറയുന്നതടക്കമുള്ള വിഷയങ്ങൾ അടങ്ങിയ സ൪ക്കുല൪ പിൻവലിക്കണമെന്നാണ് ഇവ൪ ആവശ്യപ്പെട്ടത്.

മൃതദേഹം നാട്ടിലെത്തിക്കാൻ 48 മണിക്കൂ൪ മുമ്പ് വിവര മറിയിക്കണമെന്ന എയ൪ ഇന്ത്യയുടെ സ൪ക്കുല൪ ഏറെ പ്രതിഷേധങ്ങൾക്ക് കാരണമാക്കിയിരുന്നു. അതോടൊപ്പം മൃതദേഹം ഇന്ത്യയിലയക്കണമെങ്കിൽ മരണകാരണം വ്യക്തമാക്കണമെന്ന നിയമം അതിലേറെ പ്രതിഷേധമുണ്ടാക്കിയിരുന്നു. മരണകാരണം വ്യക്തമാക്കാത്ത മൃതദേഹങ്ങൾ ഇന്ത്യയിലേക്ക് അയക്കാൻ അനുവദിക്കില്ലെന്നും സ൪ക്കുലറിൽ പറഞ്ഞിരുന്നു. ഹൃദയാഘാതം മൂലമുള്ള മരണങ്ങൾ വ൪ധിക്കുന്ന സാഹചര്യത്തിൽ ഈ സ൪ക്കുല൪ ഏറെ പ്രതിസന്ധിയുണ്ടാക്കും. താമസസ്ഥലത്തും ജോലിസ്ഥലത്തും മരണമടയുന്നവരുടെ എണ്ണം വ൪ധിക്കുന്നുണ്ട്. ഒമാനടക്കമുള്ള പല ഗൾഫ് നാടുകളിലും ആശുപത്രിയിൽ എത്തുന്നതിന് മുമ്പാണ് മരണം സംഭവിക്കുന്നതെങ്കിൽ സ൪ട്ടിഫിക്കറ്റിൽ മരണകാരണം രേഖപ്പെടുത്താറില്ല. ‘ബ്രോട്ട് ഡത്ത്’ എന്നാണ് രേഖപ്പെടുത്തുന്നത്. ഇത്തരം മരണങ്ങളിൽ കാരണം രേഖപ്പെടുത്തണമെങ്കിൽ പോസ്മോ൪ട്ടം ആവശ്യമാണ്.

ഇത് മൃതദേഹങ്ങൾ മോ൪ച്ചറിയിൽ കെട്ടിക്കിടക്കാനും നാട്ടിൽ കൊണ്ടുപോവുന്നതിന് കാലതാസമുണ്ടാക്കാനും കാരണമാക്കുമെന്ന് പ്രവാസി സംഘടനകൾ പരാതിപ്പെട്ടിരുന്നു.

സ൪ക്കുല൪ പിൻവലിക്കണമെന്നും പ്രവാസികളുടെ ആശങ്കകൾ അകറ്റണമെന്നും ഇന്ത്യൻ സോഷ്യൽ ക്ളബ് കമ്യൂണിറ്റി വെൽഫയ൪ വിഭാഗം സെക്രട്ടറി പി.എം. ജാബി൪ കേരളത്തിലെ സി. പി.എം നേതൃത്വത്തോട് ആവശ്യപ്പെട്ടിരുന്നു. ഇതനുസരിച്ച് വിഷയം പാ൪ലമെൻറിൽ അവതരിപ്പിക്കുമെന്ന് സി.പി.എം സംസ്ഥാന കമ്മിറ്റി അറിയിച്ചിരുന്നു. സംസ്ഥാന കമ്മറ്റി നി൪ദേശ പ്രകാരമാണ് ടി.എൻ. സീമ രാജ്യസഭയിൽ പ്രശ്നം അവതരിപ്പിച്ചത്.