പത്തിരിപ്പാലയിലെ ഗതാഗതക്കുരുക്ക്: സിഗ്നല്‍ ആവശ്യം ശക്തം

പത്തിരിപ്പാല: ഗതാഗതക്കുരുക്ക് ഒഴിവാക്കാൻ പത്തിരിപ്പാലയിൽ ട്രാഫിക് സിഗ്നൽ സംവിധാനം ഏ൪പ്പെടുത്തണമെന്ന ആവശ്യം ശക്തം. രാവിലെയും വൈകീട്ടുമുണ്ടാകുന്ന തിരക്ക് ഗതാഗതത്തെ പലപ്പോഴും താറുമാറാക്കാറുണ്ട്. ദിനംപ്രതി ആയിരത്തിലേറെ വാഹനങ്ങൾ സ൪വീസ് നടത്തുന്ന റോഡാണിത്.

മൂന്ന് റോഡുകളുടെ സംഗമസ്ഥാനമായ ടൗണിൽ പലപ്പോഴും വാഹനാപകടങ്ങൾ പതിവാണ്. ടൗണിൽ ഹോംഗാ൪ഡിനെ നിയമിച്ചിട്ടുണ്ടെങ്കിലും ജോലി കഴിഞ്ഞാൽ ടൗൺ വീണ്ടും ഗതാഗതക്കുരുക്കിലാകും.

അനധികൃത പാ൪ക്കിങ്ങും ഗതാഗത കുരുക്കിന് കാരണമാകാറുണ്ട്. സ്വകാര്യ ബസുകൾ തോന്നുംപടി നി൪ത്തി യാത്രക്കാരെ കയറ്റുന്നതും ഇത് മൂലം മറ്റു വാഹനങ്ങൾക്ക് പ്രശ്നം നേരിടുന്നതും പതിവായി. ടൗണിൽ ഓട്ടോമാറ്റിക് സിഗ്നൽ സംവിധാനം ഏ൪പ്പെടുത്തണമെന്നാണ് ജനങ്ങളുടെ ആവശ്യം.