മാങ്കുളത്ത് ലഹരിവിരുദ്ധ പ്രവര്‍ത്തനങ്ങള്‍ തുടങ്ങി

മാങ്കുളം: മദ്യമുക്ത ഗ്രാമമെന്ന സ്വപ്നവും ചിറകിലേറ്റി മാങ്കുളത്ത് ലഹരിവിരുദ്ധ പ്രവ൪ത്തനങ്ങൾക്ക് തുടക്കം കുറിച്ചു. കെ.സി.ബി.സി മദ്യവിരുദ്ധ സമിതിയും പുളിയൻമല കേന്ദ്രമായി പ്രവ൪ത്തിക്കുന്ന ലഹരിമുക്ത ചികിത്സ കേന്ദ്രമായ നവദ൪ശൻഗ്രാമും സംയുക്തമായി സംഘടിപ്പിച്ച സെമിനാറിനൊടുവിലാണ് മാങ്കുളത്തെ മദ്യമുക്തമാക്കാനുള്ള ദീ൪ഘകാല പ്രവ൪ത്തനങ്ങൾക്ക് തുടക്കം കുറിച്ചത്. സെമിനാറിൽ പങ്കെടുത്ത നൂറോളംപേ൪ മദ്യം ഉപേക്ഷിച്ച് മദ്യവിരുദ്ധ പ്രവ൪ത്തനങ്ങളിൽ ഏ൪പ്പെടുമെന്ന് പ്രതിജ്ഞ ചെയ്തു.

ലഹരിമുക്ത പദ്ധതിയുടെ ഭാഗമായി മദ്യത്തിൻെറ ഉപഭോഗവും വ്യാപനവും സംബന്ധിച്ച വിവരശേഖരണത്തിന് സ൪വേ നടത്തുന്നതിന് തീരുമാനിച്ചു. മദ്യം ഉപേക്ഷിക്കുന്ന കുടുംബങ്ങളിൽ മദ്യമുക്ത കുടുംബമെന്ന സ്റ്റിക്ക൪ പതിപ്പിക്കുന്നതിനും മദ്യം ഉപേക്ഷിക്കുന്നവ൪ക്ക് എ.എ ഗ്രൂപ് രൂപവത്കരിക്കാനും തീരുമാനിച്ചു. അബ്കാരി നിയമങ്ങൾ ക൪ശനമാക്കുന്നതിന് നിയമലംഘനങ്ങളുടെ വിവരം ശേഖരിച്ച് അധികാരികളെ അറിയിക്കുന്നതിനും സ്കൂൾ പരിസരത്തെ പുകയില വിൽപന നിരോധം ക൪ശനമാക്കുന്നതിനും തീരുമാനിച്ചു.

ഫ്രൈഡേ ഡ്രൈഡേ എന്ന മുദ്രാവാക്യവുമായി എല്ലാ വെള്ളിയാഴ്ചയും മാങ്കുളത്ത് മദ്യം ഉപേക്ഷിച്ച് പ്രാ൪ഥന യജ്ഞം നടത്തുന്നതിനെക്കുറിച്ചും ച൪ച്ച നടന്നു. മദ്യവിരുദ്ധ സമിതി രക്ഷാധികാരി ഫാ.ജോൺ കല്ലൂരിൻെറ അധ്യക്ഷതയിൽ ചേ൪ന്ന യോഗത്തിൽ മാങ്കുളം ഗ്രാമപഞ്ചായത്ത് പ്രസിഡൻറ് ഷാജി മാത്യു സെമിനാ൪ ഉദ്ഘാടനം ചെയ്തു. ബ്ളോക് പഞ്ചായത്ത് അംഗം ടി. റോബിൻ, എ.എസ്.ഐ റഷീദ്, ഫാ.ലിജോ കൊച്ചുവീട്ടിൽ സി.എം.ഐ എന്നിവ൪ ആശംസകൾ അ൪പ്പിച്ചു. റോയി ജോസഫ് ചെറുനിലം, കൗൺസില൪ ജെയ്സൺ ചുണ്ടാട്ട്, ശശി ഇലവന്തിക്കൽ എന്നിവ൪ ക്ളാസുകൾ നയിച്ചു. മദ്യവിരുദ്ധ സമിതി യൂനിറ്റ് പ്രസിഡൻറ് മാത്യു ജോസ് സ്വാഗതവും സെക്രട്ടറി പി.ജെ. സെബാസ്റ്റിൻ നന്ദിയും പറഞ്ഞു.