നക്സല്‍ വേട്ട: ജെ.എന്‍.യു വിദ്യാര്‍ഥിയടക്കം മൂന്നു പേര്‍ അറസ്റ്റില്‍

ഗഡ്ചിരോളി (മഹാരാഷ്ട്ര): മാവോവാദികളുമായി ബന്ധമുണ്ടെന്ന സംശയത്തിൽ മഹാരാഷ്ട്രയിലെ ഗഡ്ചിരോളി ജില്ലയിൽ ജെ.എൻ.യു വിദ്യാ൪ഥിയടക്കം മൂന്നു പേ൪ അറസ്റ്റിൽ. ജെ.എൻ.യു വിദ്യാ൪ഥിയായ ഹേം മിശ്ര, പാണ്ഡു പോറ നരോട്ടെ, മഹേഷ് ക൪മചന്ദ് ടി൪ക്കി എന്നിവരാണ് അറസ്റ്റിലായത്.
നക്സൽബാധിത പ്രദേശമായ അഹേരി താലൂക്കിലാണ് ഇവ൪ പിടിയിലായത്.
മുതി൪ന്ന നക്സൽ നേതാവിന് കൈമാറാനുള്ള രേഖകളടങ്ങിയ മൈക്രോചിപ്പും പിടിച്ചെടുത്തതായി പൊലീസ് പറഞ്ഞു. കോടതി ഇവരെ 10 ദിവസത്തേക്ക് പൊലീസ് കസ്റ്റഡിയിൽ വിട്ടു.