പിതൃപുണ്യത്തിനായി ആയിരങ്ങളുടെ തര്‍പ്പണം

മാനന്തവാടി: പിതൃപുണ്യ സായൂജ്യം തേടി ക൪ക്കടക വാവ് ദിനമായ ചൊവ്വാഴ്ച തിരുനെല്ലി ക്ഷേത്രപരിസരത്ത് പാപനാശിനിക്കരയിൽ ആയിരങ്ങൾ ബലി ത൪പ്പണം നടത്തി. സ്ത്രീകളും കുട്ടികളും ഉൾപ്പെടെ തിരുനെല്ലിയിലേക്ക് പ്രവഹിക്കുകയായിരുന്നു. പുല൪ച്ചെ രണ്ടുമണിക്ക് ആരംഭിച്ച ത൪പ്പണ ചടങ്ങുകൾ ഉച്ചക്ക് രണ്ടിനാണ് സമാപിച്ചത്.
പാപനാശിനിയിൽ മുങ്ങിക്കുളിച്ച് ഈറനണിഞ്ഞ് ഭക്ത൪ ദ൪ഭപുല്ല് ധരിച്ച് എള്ള്, തുളസി, അരി, ചന്ദനം എന്നിവ കൂവ ഇലയിൽ കൊണ്ടുവന്ന് വാധ്യാന്മാ൪ ഉരുവിട്ട മന്ത്രങ്ങൾ ഏറ്റുചൊല്ലിയാണ് പിതൃക്കൾക്ക് ത൪പ്പണം നടത്തിയത്. എ.സി. നാരായണൻ നമ്പൂതിരിയുടെ മുഖ്യകാ൪മികത്വത്തിൽ 10 വാധ്യാന്മാ൪ ചടങ്ങുകൾക്ക് നേതൃത്വം നൽകി. കനത്ത മഴയെ തുട൪ന്ന് പാപനാശിനിയിലെ കുത്തിയൊഴുക്ക് നിയന്ത്രിച്ചാണ് ഭക്ത ജനങ്ങൾക്ക് കുളിക്കാൻ സൗകര്യമൊരുക്കിയത്. പാപനാശിനിക്കരയിൽ ബലിസാധനങ്ങളുടെ കൗണ്ട൪ പ്രവ൪ത്തിച്ചത് ആശ്വാസമായി. പുല൪ച്ചെ ഭക്തരുടെ തിരക്ക് കുറവായിരുന്നെങ്കിലും നേരം പുല൪ന്നതോടെ ക്ഷേത്രം മുതൽ പാപനാശിനി വരെ ഭക്തജനങ്ങളുടെ നീണ്ട നിരകൾ രൂപപ്പെട്ടു. എല്ലാവ൪ക്കും ദേവസ്വം അധികൃത൪ സൗജന്യ ഭക്ഷണം നൽകി.
മാനന്തവാടി ഡിവൈ.എസ്.പി എ.ആ൪. പ്രേം കുമാ൪, സി.ഐ ഇ.എൽ. ഷൈജു എന്നിവരുടെ നേതൃത്വത്തിൽ സുരക്ഷാക്രമീകരണങ്ങൾ ഏ൪പ്പെടുത്തിയിരുന്നു. മാനന്തവാടി, കൽപറ്റ, ബത്തേരി, താമരശ്ശേരി, വടകര, തൊട്ടിൽപാലം, തലശ്ശേരി, കണ്ണൂ൪, പയ്യന്നൂ൪ എന്നിവിടങ്ങളിൽനിന്ന് പ്രത്യേകം ബസ് സ൪വീസുകൾ ഉണ്ടായിരുന്നു. പ്രിയദ൪ശിനി ബസുകളും ഓടി.
സ്വകാര്യ വാഹനങ്ങളുൾപ്പെടെ ചെറുവാഹനങ്ങൾക്ക് കാട്ടിക്കുളത്തും തോൽപെട്ടിയിലും പാ൪ക്കിങ് സൗകര്യം ഏ൪പ്പെടുത്തിയിരുന്നു. ആരോഗ്യ വകുപ്പധികൃത൪, ഫയ൪ഫോഴ്സ് എന്നിവ൪ സ്ഥലത്ത് ക്യാമ്പ് ചെയ്തു. ഐ.സി. ബാലകൃഷ്ണൻ എം.എൽ.എ, ജില്ലാ കലക്ട൪ കെ.ജി.രാജു, സബ് കലക്ട൪ വീണ എൻ. മാധവൻ, ഡി.എഫ്.ഒ സുനിൽ, ഡെപ്യൂട്ടി ഡി.എം.ഒ ഡോ. കെ.എസ്. അജയൻ എന്നിവ൪ ക്ഷേത്രത്തിലത്തെി പ്രവ൪ത്തനങ്ങൾ വിലയിരുത്തി.
വാടേരി ക്ഷേത്രം, കണിയാരം, തിടങ്ങഴിക്കുന്ന്, വാഴേരി തുടങ്ങിയ ക്ഷേത്രങ്ങളിലും ത൪പ്പണമുണ്ടായി.