ദുര്‍ഗയുടെ സസ്പെന്‍ഷന്‍: അഖിലേഷിനെ ന്യായീകരിച്ച് മുലായം

ലഖ്നോ: ഐ.എ.എസ് ഓഫിസ൪ ദു൪ഗ ശക്തി നാഗ്പാലിനെ സസ്പെൻഡ് ചെയ്ത ഉത്ത൪പ്രദേശ് മുഖ്യമന്ത്രി അഖിലേഷ് യാദവിൻെറ നടപടിയെ ന്യായീകരിച്ച് പിതാവ് മുലായം സിങ് യാദവ് രംഗത്ത്. അഖിലേഷിൻെറ നടപടി പൂ൪ണമായും ശരിയാണെന്ന് മുലായം പറഞ്ഞു. സ൪ക്കാ൪ അത്തരത്തിൽ നടപടിയെടുത്തിരുന്നില്ളെങ്കിൽ കൂടുതൽ പ്രശ്നമുണ്ടാകുമായിരുന്നുവെന്നും അദ്ദേഹം കൂട്ടിച്ചേ൪ത്തു. അതേസമയം, സസ്പെൻഷൻ പിൻവലിക്കുമോയെന്ന ചോദ്യത്തോട് അദ്ദേഹം പ്രതികരിച്ചില്ല.
ദു൪ഗ ശക്തിയെ സസ്പെൻഡ് ചെയ്തതിനെതിരെ ഉയ൪ന്ന വിമ൪ശം തള്ളിക്കളഞ്ഞ അഖിലേഷ് കുറ്റം ചെയ്താൽ ഉദ്യോഗസ്ഥരെ ശിക്ഷിക്കുമെന്ന് പറഞ്ഞു. അതിനിടെ, നിയമപ്രകാരമായിരിക്കും ഓരോ നടപടിയുമെന്ന് ഉറപ്പാക്കുമെന്ന് പ്രധാനമന്ത്രി മൻമോഹൻ സിങ് പറഞ്ഞു. സംസ്ഥാനത്തോട് പൂ൪ണ വിവരങ്ങൾ തേടിയിട്ടുണ്ടെന്നും അദ്ദേഹം പറഞ്ഞു. ചട്ടങ്ങൾ പാലിക്കാതെ പ്രവ൪ത്തിച്ചുവെന്നാരോപിച്ച് ഉത്ത൪പ്രദേശ് സ൪ക്കാ൪ ദു൪ഗ ശക്തിക്കെതിരെ കുറ്റപത്രം സമ൪പ്പിച്ചതിന് പിന്നാലെയാണ് പ്രധാനമന്ത്രിയുടെ പ്രതികരണം. ഗ്രേറ്റ൪ നോയ്ഡയിലെ ഗൗതം ബുദ്ധ് നഗറിൽ സ൪ക്കാ൪ ഭൂമിയിൽ പണിത പള്ളിയുടെ മതിൽ പൊളിക്കാൻ ഉത്തരവിട്ടത് ചട്ടലംഘനമാണെന്നാണ് 10 പേജുള്ള കുറ്റപത്രത്തിൽ പറയുന്നത്.