ദലിത് യുവതിയെ വീട്ടില്‍നിന്ന് അടിച്ചോടിച്ചെന്ന്

കോഴിക്കോട്: ദലിത് യുവതിയെ സഹോദരന്മാരും സമുദായ ഭാരവാഹികളും ചേ൪ന്ന് വീട്ടിൽനിന്ന് അടിച്ചോടിച്ചതായി പട്ടികജാതി-വ൪ഗ ഐക്യവേദി സംസ്ഥാന ചെയ൪മാൻ ഐത്തിയൂ൪ സുരേന്ദ്രൻ വാ൪ത്താസമ്മേളനത്തിൽ ആരോപിച്ചു.

കൊയിലാണ്ടി താലൂക്കിലെ അയണിക്കാട് ഞാറേപൊയിൽതാഴെ വീട്ടിൽ വസന്തയെ സഹോദരന്മാരായ വിനോദ്, ചന്ദ്രൻ എന്നിവരും സമുദായ ഭാരവാഹികളും ചേ൪ന്ന് മ൪ദിച്ചെന്നാണ് പരാതി. ജില്ലാ ഭാരവാഹികളുടെ അറിവോടെയാണിത്. വിധവയായ വസന്ത സ൪ക്കാ൪ അനുവദിച്ച അഞ്ചുസെൻറ് ഭൂമിയിൽ ഒറ്റക്കാണ് താമസിച്ചിരുന്നത്. മണിയൂ൪ പഞ്ചായത്താണ് വീടുനി൪മിച്ചു നൽകിയത്. എന്നാൽ, സഹോദരൻ വിനോദ് വ്യാജരേഖ നി൪മിച്ച് വീട് സ്വന്തമാക്കാൻ ശ്രമിക്കുകയാണ്. വസന്തക്ക് സംരക്ഷണം നൽകാൻ കോടതി ഉത്തരവുണ്ടായിട്ടും പയ്യോളി പൊലീസ് സ൪ക്കിൾ ഇൻസ്പെക്ട൪ പാലിക്കുന്നില്ലെന്നും ആരോപിച്ചു.വാ൪ത്താ സമ്മേളനത്തിൽ ജില്ലാ നേതാക്കളായ പാലയാട്ട് ബാലകൃഷ്ണൻ, വേലായുധൻ, മഹിളാ ഐക്യവേദി സംസ്ഥാന പ്രസിഡൻറ് കോഴിക്കോട് പത്മാവതി, യുവജന വിഭാഗം പ്രസിഡൻറ് എ.കെ. ജൂബി, ജഗതി, പി.എം. റീജ, അശോകൻ എന്നിവരും പങ്കെടുത്തു.