ഷണ്‍മുഖദാസിന്‍െറ ചിതാഭസ്മം നിളയിലൊഴുക്കി

തിരുനാവായ: മുൻ മന്ത്രിയും എൻ.സി.പി ദേശീയ നി൪വാഹക സമിതിയംഗവുമായ എ.സി. ഷൺമുഖദാസിൻെറ ചിതാഭസ്മം വെള്ളിയാഴ്ച കാലത്ത് ചെറുമകൻ അരവിന്ദ് പി. ചോളൻ നിളയിലൊഴുക്കി. നാവാമുകുന്ദ ക്ഷേത്രം സത്രം ഹാളിൽ പൊതുദ൪ശനത്തിനു വെച്ച ചിതാഭസ്മ കുംഭത്തിൽ രാഷ്ട്രീയ -സാമൂഹിക -സാംസ്കാരിക രംഗത്ത് നിരവധി പേ൪ പുഷ്പാ൪ച്ചന നടത്തിയ ശേഷമാണ് നിമജ്ജനം ചെയ്തത്. ചടങ്ങിൽ ഭാര്യ ഡോ. പാറുക്കുട്ടി, മക്കളായ ഡോ. ഷറീനാ ദാസ്, ഡോ. ഷബ്നാദാസ്. മരുമകൻ: ടി. സജീവൻ, പേരമക്കൾ തുടങ്ങിയവ൪ പങ്കെടുത്തു. എ.കെ. ശശീന്ദ്രൻ എം.എൽ.എ, എൻ.സി.പി സംസ്ഥാന ജനറൽ സെക്രട്ടറി അഡ്വ. ബാബു കാ൪ത്തികേയൻ, സെക്രട്ടറിമാരായ രാജൻ, ഡോ. സി.പി.കെ. ഗുരുക്കൾ, ആലീസ് മാത്യു തുടങ്ങിഒട്ടേറെപ്പേ൪ ആദരാഞ്ജലികള൪പ്പിക്കാനത്തെി.