പി. സദാശിവം സുപ്രീംകോടതി ചീഫ് ജസ്റ്റിസാകും

ന്യൂദൽഹി: ജസ്റ്റിസ് പി. സദാശിവം സുപ്രീംകോടതിയുടെ പുതിയ ചീഫ് ജസ്റ്റിസാകും. ഇതു സംബന്ധിച്ച ഉത്തരവിൽ രാഷ്ട്രപതി പ്രണബ് മുഖ൪ജി ഒപ്പുവെച്ചു. ചീഫ് ജസ്റ്റിസ് അൽത്തമസ് കബീ൪ ജൂലൈ 18നു വിരമിക്കുന്ന ഒഴിവിലാണ് സുപ്രീംകോടതി സീനിയ൪ ജഡ്ജി ജസ്റ്റിസ് സദാശിവം നിയമിക്കപ്പെടുക. രാജ്യത്തിൻെറ 40ാമത് ചീഫ്ജസ്റ്റിസാവും സദാശിവം.
തമിഴ്നാട്ടിലെ ഈറോഡ് സ്വദേശിയായ പി. സദാശിവം അഭിഭാഷകനാകുന്നത് 1977ലാണ്. മദ്രാസ് ഹൈകോടതിയിൽ ദീ൪ഘകാലം അഭിഭാഷകനായിരുന്നു അദ്ദേഹം. 1997ൽ ഹൈകോടതിയിലും പിന്നീട് സുപ്രീംകോടതിയിലും ജഡ്ജിയായി നിയമിതനായി.