സ്ത്രീധനം; ഭാര്യയെയും മകനെയും യുവാവ് തീവെച്ച് കൊന്നു

മൈസൂ൪: സ്ത്രീധന ത൪ക്കത്തിൻെറ പേരിൽ ഭാര്യയെയും മൂന്ന് വയസ്സായ മകനെയും യുവാവ് തീവെച്ച് കൊന്നു. മൈസൂരിലെ നഞ്ചൻഗുഡ് താലൂക്കിലെ ഇമവു ഗ്രാമത്തിലാണ് സംഭവം. ഫാക്ടറി തൊഴിലാളിയായ ചെലുവരാജു ഭാര്യ അശ്വിനിയെയും മകൻ ശ്രേയസിനെയും മണ്ണെണ്ണയൊഴിച്ച് തീവെക്കുകയായിരുന്നു. പിതാവ് ചിക്കണ്ണയുടെയും മാതാവ് ഗൗരമ്മയുടെയും സഹായത്തോടെയാണ് ഇയാൾ കൃത്യം നടത്തിയത്. അശ്വനിയുടെയും ശ്രേയസിൻെറയും ശരീരത്തിൽ മണ്ണെണ്ണയൊഴിച്ച് തീവെക്കുകയായിരുന്നു. വീട് പുറത്ത് നിന്ന് പൂട്ടുകയും ചെയ്തു. തീ കണ്ട് നാട്ടുകാ൪ ഓടിക്കൂടിയെങ്കിലും രക്ഷിക്കാനായില്ല. ചെലുവരാജുവും പിതാവും ഒളിവിലാണ്. രക്ഷപ്പെടാൻ ശ്രമിക്കവെ മാതാവ് ഗൗരമ്മയെ നാട്ടുകാ൪ പിടികൂടി പൊലീസിൽ ഏൽപ്പിച്ചു. നാല് വ൪ഷം മുമ്പാണ് ചെലുവരാജു അശ്വനിയെ വിവാഹം കഴിച്ചത്. അഞ്ച് ലക്ഷം രൂപയുടെ ആഭരണങ്ങളാണ് ചെലുവരാജുവിന് വാഗ്ദാനം ചെയ്തത്. എന്നാൽ കുടുതൽ തുക വേണമെന്ന് ചെലുവരാജു ആവശ്യപ്പെട്ടു.