ഇശ്റത്ത് ജഹാന്‍ കേസ്: എ.ഡി.ജി.പിയുടെ അപേക്ഷ 28ലേക്ക് മാറ്റി

അഹ്മദാബാദ്: ഇശ്റത്ത് ജഹാൻ വ്യാജ ഏറ്റുമുട്ടൽ കൊലക്കേസിൽ തനിക്കെതിരായ കുറ്റപത്രം റദ്ദാക്കണമെന്നാവശ്യപ്പെട്ട് അഡീഷനൽ ഡി.ജി.പി പി.പി. പാണ്ഡെ സമ൪പ്പിച്ച ഹരജി പരിഗണിക്കുന്നത് ഗുജറാത്ത് ഹൈകോടതി ജൂൺ 28ലേക്ക് മാറ്റി. കേസ് ഹൈകോടതിയുടെ തന്നെ മറ്റൊരു ഡിവിഷൻ ബെഞ്ചിൻെറ പരിഗണനയിലുള്ളതിനാൽ പാണ്ഡെയുടെ അപേക്ഷയും ഈ ബെഞ്ചിന് വിടണമെന്ന സി.ബി.ഐ വാദത്തെ തുട൪ന്നാണ് മാറ്റിയത്.
ജസ്റ്റിസ് ജയന്ത് പട്ടേൽ, അഭിലാഷ കുമാരി എന്നിവരടങ്ങുന്ന ഡിവിഷൻ ബെഞ്ചാണ് 2011 ഡിസംബറിൽ സി.ബി.ഐ അന്വേഷണത്തിന് ഉത്തരവിടുന്നത്. മാത്രമല്ല, ഈ ബെഞ്ചിൻെറ നി൪ദേശമനുസരിച്ചാണ് അന്വേഷണം പുരോഗമിക്കുന്നതും. ഇക്കാര്യം സി.ബി.ഐ ഹൈകോടതിയിൽ ചൂണ്ടിക്കാട്ടുകയായിരുന്നു.