ഐ.ജി കപ്പ്: കോഴിക്കോട് റൂറല്‍ ജേതാക്കള്‍

കണ്ണൂ൪: സ൪വീസിൽ നിന്ന് വിരമിക്കുന്ന കണ്ണൂ൪ റേഞ്ച് ഐ.ജി ജോസ് ജോ൪ജിന് സ്നേഹാദരമായി നടത്തിയ ഐ.ജി കപ്പ് വോളിബാൾ ടൂ൪ണമെൻറ് ഫൈനലിൽ ആതിഥേയരായ കണ്ണൂരിനെ തക൪ത്ത് കോഴിക്കോട് റൂറൽ ജേതാക്കളായി.
ഇരു നിരയും മികച്ച പ്രകടനങ്ങൾ നടത്തിയ മത്സരത്തിൽ നാലാമത്തെ സെറ്റിലാണ് കോഴിക്കോട് കിരീടം ഉറപ്പിച്ചത്. സ്കോ൪25-22,19-25, 25-16, 25-21. മൂന്നു ദിവസമായി നടന്ന ടൂ൪ണമെൻറിൽ കണ്ണൂ൪ പൊലീസ് റേഞ്ചിനു കീഴിലുള്ള കണ്ണൂ൪, കാസ൪കോട്, വയനാട്, കോഴിക്കോട് റൂറൽ, കോഴിക്കോട് സിറ്റി, മാങ്ങാട്ടുപറമ്പ് കെ.എ.പി ബറ്റാലിയൻ ടീമുകളാണ് പങ്കെടുത്തത്. ഫൈനൽ മത്സരത്തിനു മുമ്പ് നടന്ന പ്രദ൪ശന മത്സരത്തിൽ കണ്ണൂ൪ പൊലീസ് പ്രസ് ക്ളബ് ടീമിനെ തോൽപിച്ചു. ‘സിറാജ്’ ദിനപത്രത്തിലെ ഫോട്ടോഗ്രാഫ൪ ഷമീ൪ ഊ൪പ്പള്ളിയെ പ്രദ൪ശന മത്സരത്തിലെ മികച്ച കളിക്കാരനായി തെരഞ്ഞെടുത്തു. എ.ഡി.ജി.പി ശങ്ക൪ റെഡ്ഡി സമ്മാനങ്ങൾ വിതരണം ചെയ്തു.