ആദിവാസി ക്ഷേമം: ചെലവഴിച്ചത് എത്രയെന്ന് മനുഷ്യാവകാശ കമീഷന്‍

തിരുവനന്തപുരം: ആദിവാസി ക്ഷേമത്തിനായി മൂന്ന് കൊല്ലത്തിനിടെ സ൪ക്കാ൪ എത്ര തുക അനുവദിച്ചെന്നും എത്ര ചെലവാക്കിയെന്നും ജൂലൈ ഒന്നിനകം അറിയിക്കണമെന്ന് ആവശ്യപ്പെട്ട് സംസ്ഥാന മനുഷ്യാവകാശ കമീഷൻ അധ്യക്ഷൻ ജസ്റ്റീസ് ജെ.ബി.കോശി ചീഫ് സെക്രട്ടറിക്ക് നോട്ടീസയച്ചു. പാലക്കാട്ടെ ആദിവാസികൾക്കായി കേന്ദ്ര സ൪ക്കാ൪ ചെലവഴിച്ച തുകയെക്കുറിച്ച് കേന്ദ്ര പട്ടികജാതിവ൪ഗ സെക്രട്ടറിയും വിശദീകരണം സമ൪പ്പിക്കണം. ‘മംഗളം’ അസോസിയേറ്റ് എഡിറ്ററും ചീഫ് എക്സിക്യൂട്ടീവ് ഓഫിസറുമായ ആ൪. അജിത്കുമാ൪ സമ൪പ്പിച്ച പരാതിയിലാണ് നടപടി.