വില വീണ്ടും ഇടിഞ്ഞു, പവന് 20,000 രൂപ

കൊച്ചി: സ്വ൪ണവിലയിൽ വീണ്ടും ഇടിവ്. പവന് 360 രൂപയാണ് കുറഞ്ഞ് 20,000 രൂപയായി. 2,500 രൂപയാണ് ഗ്രാമിന് വില. രാജ്യാന്തര വിപണിയിലെ വിലയിടിവിനെ തുട൪ന്നാണ് സ്വ൪ണവില മൂന്നാഴ്ചക്കിടയിലെ താഴ്ന്ന നിരക്കിലെ ത്തിയത്. ഗോൾഡ് എക്സ്ചേഞ്ച് ട്രേഡഡ് ഫണ്ടുകളിൽ നിന്ന് നിക്ഷേപം പിൻവലിക്കുന്നതിന് വിരാമമായെങ്കിലും സ്വ൪ണ വിപണിക്ക് പിടിച്ചുനിൽക്കാനായില്ലെന്ന് വിപണി വൃത്തങ്ങൾ ചൂണ്ടിക്കാട്ടി. യൂറോപ്യൻ കറൻസികൾക്കെതിരെ ഡോള൪ കരുത്താ൪ജിച്ചത് മറ്റൊരു കാരണമാണ്. ഇന്ത്യയിൽ റിസ൪വ് ബാങ്ക് സ്വ൪ണ ഇറക്കുമതിക്ക് ഏ൪പ്പെടുത്തിയ നിയന്ത്രണം വ്യാപാര തോത് കുറക്കുമെന്ന ആശങ്കയുണ്ട്. ഡോളറിനെതിരെ രൂപയുടെ മൂല്യം 12 പൈസ കണ്ടു മെച്ചപ്പെടുത്തുകയും ചെയ്തു. ഒരു ഡോളറിന് 54.69 രൂപയാണ് കണക്കാക്കുന്നത്.
ഇതിനിടെ, ജനുവരി മുതൽ മാ൪ച്ച് വരെ ആദ്യപാദത്തിൽ ആഗോള വിപണിയിൽ സ്വ൪ണാഭരണങ്ങൾക്ക് 12 ശതമാനം ഡിമാൻഡ് ഉയ൪ന്നുവെന്ന് വേൾഡ് ഗോൾഡ് കൗൺസിലിൻെറ ഗോൾഡ് ഡിമാൻഡ് ട്രെൻറ് റിപ്പോ൪ട്ട് പറയുന്നു. 2012 ആദ്യപാദത്തെ അപേക്ഷിച്ച് ചൈനീസ് വിപണിയിൽ 19 ശതമാനവും ഇന്ത്യ, മിഡിൽ ഈസ്റ്റ് വിപണികളിൽ 15 ശതമാനവും വ൪ധനയാണുണ്ടായത്. ഏഷ്യൻ രാജ്യങ്ങളിലെ സ്വ൪ണ വിപണികളിലുണ്ടായ ഉണ൪വാണ് ഇതിന് പ്രധാന കാരണം. 2005 ന് ശേഷം ആദ്യമായി യു.എസ് വിപണിയും സ്വ൪ണത്തോട് വ൪ധിച്ച ആഭിമുഖ്യം കാണിച്ചുതുടങ്ങി. 2013 ആദ്യപാദത്തിൽ ആറ് ശതമാനം വ൪ധനയാണ് യു.എസ് സ്വ൪ണ വിപണി രേഖപ്പെടുത്തിയത്. സ്വ൪ണം ബാ൪, കോയിൻ രൂപത്തിലുള്ള വിൽപ്പന കൂടിയതാണ് ഇന്ത്യൻ ചൈനീസ് വിപണികൾക്ക് സഹായകരമായത്. കോയിൻ, ബാ൪ സ്വ൪ണ വിൽപ്പനയിൽ 52 ശതമാനം വള൪ച്ചയാണ് ഇക്കാലയളവിൽ ഇന്ത്യ കൈവരിച്ചത്.