ഇഖാമയും വര്‍ക് പെര്‍മിറ്റും ഉടമയുടെ ബാധ്യത; വീഴ്ചവരുത്തിയാല്‍ സ്പോണ്‍സര്‍ഷിപ്പ്് മാറാം

റിയാദ്: തൊഴിലാളിക്ക് ഇഖാമയും വ൪ക് പെ൪മിറ്റും നൽകേണ്ടത് തൊഴിലുടമയുടെ ബാധ്യതയാണെന്ന് തൊഴിൽ, ആഭ്യന്തര മന്ത്രാലയങ്ങൾ വ്യക്തമാക്കി. ഇതിൽ വീഴ്ചവരുത്തിയ തൊഴിലുടമയിൽനിന്ന് തൊഴിലാളിക്ക് അനുമതി കൂടാതെ മറ്റൊരാളിലേക്ക് മാറാവുന്നതാണ്. ഈ നിയമം ഇളവുകാലത്തിന് ശേഷവും പ്രാബല്യമുള്ളതായിരിക്കും.

തൊഴിലുടമ രേഖകൾ നൽകാതിരിക്കുന്നത് സ്പോൺസ൪ഷിപ്പ് മാറാൻ തടസ്സമാവില്ല. രാജാവ് ഇളവ് പ്രഖ്യാപിച്ച ശേഷം രൂപംനൽകിയ സ്ഥാപനത്തിലേക്ക് സ്പോൺസ൪ഷിപ്പ് മാറാൻ നിയമം അനുവദിക്കുന്നില്ല. സ്പോൺസ൪ഷിപ്പ് മാറ്റം, പ്രഫഷൻ മാറ്റം എന്നിവ തൊഴിൽ മന്ത്രാലയത്തിൻെറ ഇലക്ട്രോണിക് സംവിധാനമനുസരിച്ച് ചെയ്യാവുന്നതാണ്. ആനുകൂല്യമനുസരിച്ച് ഇത് നടപ്പാക്കാൻ ഇലക്ട്രോണിക് സംവിധാനം തുറന്നുകിട്ടാത്ത സ്ഥാപനങ്ങൾ തങ്ങളുടെ തൊട്ടടുത്ത മന്ത്രാലയ ശാഖയുമായി ബന്ധപ്പെടണം.