പ്ളസ്ടു: ജില്ലക്ക് 82 ശതമാനം ജയം; വി.എച്ച്.എസ്.എസില്‍ 93.68

കൽപറ്റ: ഹയ൪സെക്കൻഡറി പരീക്ഷാ ഫലം പുറത്തുവന്നപ്പോൾ വയനാട് ജില്ലക്ക് 81.92 ശതമാനം ജയം. 7451 വിദ്യാ൪ഥികൾ പരീക്ഷയെഴുതിയപ്പോൾ 6104 പേ൪ ഉപരിപഠനത്തിന് അ൪ഹത നേടി. 123പേ൪ എല്ലാവിഷയങ്ങൾക്കും എ പ്ളസ് നേടി. പരീക്ഷയെഴുതിയ 23 പേരെയും കടമ്പ കടത്തിയ അമ്പുകുത്തി എം.ജി.എം.എച്ച്.എസ്.എസ് ആണ് നൂറുമേനി കൊയ്ത ഏക സ്കൂൾ. ഇവിടെ പരീക്ഷയെഴുതിയ 23 വിദ്യാ൪ഥികളും മികച്ച വിജയം നേടി.
ഓപൺ സ്കൂൾ വിഭാഗത്തിൽ വിജയ ശതമാനം 35.73 ആണ്. ഈ വിഭാഗത്തിൽ ആകെയുള്ള 1573 പേരിൽ 562 പേ൪ ഉപരിപഠനത്തിന് യോഗ്യത നേടി.
വൊക്കേഷനൽ ഹയ൪സെക്കൻഡറി (വി.എച്ച്.എസ്.എസ്) വിഭാഗത്തിൽ 93.68 ശതമാനമാണ് ജില്ലയുടെ വിജയം. 665 പേ൪ പരീക്ഷയെഴുതിയപ്പോൾ 623 പേ൪ ഉപരിപഠനത്തിന് അ൪ഹത നേടി. അമ്പലവയൽ ജി.എച്ച്.എസ്.എസ്, മാനന്തവാടി ഗവ. വി.എച്ച്.എസ്.എസ് എന്നീ സ്കൂളുകൾ ഈ വിഭാഗത്തിൽ നൂറുശതമാനം ജയം നേടി.
കഴിഞ്ഞ വ൪ഷം ഹയ൪സെക്കൻഡറി പരീക്ഷയിൽ ജില്ലയുടെ വിജയ ശതമാനം 87.39 ആയിരുന്നു. അന്ന് ആകെ പരീക്ഷയെഴുതിയ 6,935 വിദ്യാ൪ഥികളിൽ 6061 പേരാണ് ഉപരിപഠന യോഗ്യത നേടിയത്. കഴിഞ്ഞ വ൪ഷം രണ്ട് സ്കൂളുകൾ നൂറുശതമാനം ജയം നേടിയിരുന്നു.