സജ്ജന്‍കുമാര്‍: സി.ബി.ഐ അപ്പീല്‍ നല്‍കും

ന്യൂദൽഹി: സിഖ് വിരുദ്ധ കലാപ കേസിൽ കോൺഗ്രസ് നേതാവ് സജ്ജൻകുമാറിനെ വെറുതെവിട്ട കോടതിവിധിക്കെതിരെ സി.ബി.ഐ അപ്പീൽ നൽകും. അപ്പീൽ നൽകണമെന്ന്ആവശ്യപ്പെട്ട് വിവിധ സിഖ് സംഘടനകൾ തലസ്ഥാനത്ത് പ്രതിഷേധം തുടരുന്നതിനിടെയാണ് സി.ബി.ഐ തീരുമാനം. 84ൽ ഇന്ദിരഗാന്ധി കൊല്ലപ്പെട്ടതിനെ തുട൪ന്ന് ദൽഹിയിൽ സിഖുകാ൪ക്കെതിരെയുണ്ടായ കലാപവുമായ ബന്ധപ്പെട്ട കേസിൽ ഏപ്രിൽ 30നാണ് ദൽഹി സെഷൻസ് കോടതി സജ്ജൻകുമാറിനെ വെറുതെവിടുകയും കൂട്ടുപ്രതികളായ അഞ്ചുപേരെ കുറ്റക്കാരെന്ന് കണ്ടെത്തുകയും ചെയ്തത്.
കുറ്റക്കാരെന്ന് കണ്ടെത്തിയവ൪ക്കുള്ള ശിക്ഷ മേയ് ഒമ്പതിനാണ് കോടതി വിധിക്കുക. ശിക്ഷ എത്രത്തോളമാണെന്ന് കൂടി അറിഞ്ഞ ശേഷം ദൽഹി ഹൈകോടതിയിൽ അപ്പീൽ നൽകാനാണ് സി.ബി.ഐയുടെ തീരുമാനം.