കൗണ്‍സിലറെ കൈയേറ്റം ചെയ്ത രണ്ടുപേര്‍ കൂടി പിടിയില്‍

ചാവക്കാട്: നഗരസഭാ കൗൺസില൪ പി. യതീന്ദ്രദാസിനെ കൈയേറ്റം ചെയ്ത കേസിൽ സി.പി.എം അനുഭാവികളായ രണ്ടുപേരെ കൂടി പൊലീസ് അറസ്റ്റ് ചെയ്തു. കോട്ടപ്പുറം പുളിക്കൽ വീട്ടിൽ ഉമ്മ൪ ഫാറൂഖ് (20), കോട്ടപ്പുറം കേരൻെറകത്ത് ഷെമീ൪ (30) എന്നിവരെയാണ് ചാവക്കാട് എസ്.ഐ എം.കെ. ഷാജി, എ.എസ്.ഐ എം.കെ. വിജയൻ എന്നിവ൪ ചേ൪ന്ന് അറസ്റ്റ് ചെയ്തത്.
ഇരുവരെയും കോടതി റിമാൻഡ് ചെയ്തു. ഈ സംഭവത്തിൽ നേരത്തെ അഞ്ച് സി.പി.എം, ഡി.വൈ.എഫ്.ഐ പ്രവ൪ത്തകരെ അറസ്റ്റ് ചെയ്തിരുന്നു.
പുന്നമുക്കട്ട റോഡ് ഉദ്ഘാടനത്തോടനുബന്ധിച്ച് കെ.വി. അബ്ദുൽ ഖാദ൪ എം.എൽ.എയെ യതീന്ദ്രദാസും സംഘവും കൈയേറ്റം ചെയ്യാൻ ശ്രമിച്ചെന്ന് ആരോപിച്ചായിരുന്നു കൗൺസിലറെ ഒരു സംഘം സി.പി.എം -ഡി.വൈ.എഫ്.ഐ പ്രവ൪ത്തക൪ ഹോട്ടൽ റഹ്മാനിയ്യയിൽ ആക്രമിച്ചത്.