ഗള്‍ഫ് വിമാന നിരക്കുകള്‍ ഇരട്ടിയാക്കി

നെടുമ്പാശേരി: ഒഴിവുകാല തിരക്ക് മുതലെടുക്കാൻ വിമാനക്കമ്പനികൾ ഗൾഫിലേക്കുള്ള നിരക്കുകൾ ഇരട്ടിയിലേറെയാക്കി. പല വിമാനങ്ങളിലും ടിക്കറ്റുകൾ കിട്ടാനുമില്ല.കഴിഞ്ഞ ദിവസം വരെ ഗൾഫ് മേഖലയിലേക്ക് ഏഴായിരം രൂപ വരെയായിരുന്നു. വ്യാഴാഴ്ച ചില ഗൾഫ് രാജ്യങ്ങളിലേക്കുള്ള നിരക്ക് 19000 രൂപവരെയാണ്. കുവൈത്തിലേക്കുള്ള ടിക്കറ്റിനാണ് കൂടുതൽ ക്ഷാമം. കൊച്ചിയിൽ നിന്ന് യൂറോപ്പിലേക്കും അമേരിക്കയിലേക്കും നേരിട്ട് വിമാന സ൪വീസുകൾ ഇല്ല. യാത്രക്കാരിൽ ബഹുഭൂരിപക്ഷവും ഗൾഫിലൂടെയാണ് യൂറോപ്പിലേക്കും അമേരിക്കയിലേക്കും യാത്ര ചെയ്യുന്നത്. ഇവരെയും ഗൾഫ് യാത്രാ നിരക്ക് വ൪ധന ഏറെ വലച്ചിരിക്കുകയാണ്.