നിയന്ത്രണരേഖ കടന്ന ബാലന്മാരെ പാക് സൈന്യത്തിന് കൈമാറി

ജമ്മു: നിയന്ത്രണരേഖ കടന്നെത്തിയ ബാലന്മാരെ ഇന്ത്യ പാക് സൈന്യത്തിന് കൈമാറി. നിയന്ത്രണ രേഖയിൽ രജൗരി ജില്ലയിലെ നൗശിറ സെക്ടറിൽ വെള്ളിയാഴ്ചയാണ് സംഭവം. റഹ്മത്തുല്ല (15), ഇനായത്തുല്ല (12) എന്നീ പാക് ബാലന്മാരാണ് തൊഴിൽ തേടി ഇന്ത്യൻ അതി൪ത്തി കടന്നത്. ഞായറാഴ്ച ഉച്ച 12.30ന് ചകൻ ദ ബാഗിലെ സീറോ ലൈനിലാണ് കുട്ടികളെ ഇന്ത്യൻ സൈന്യം പാകിസ്താന് കൈമാറിയത്. നിയന്ത്രണ രേഖ ലംഘിച്ച കുട്ടികളെ മാനുഷിക പരിഗണന വെച്ചാണ് നിയമ നടപടികൾ സ്വീകരിക്കാതെ പാകിസ്താന് കൈമാറിയതെന്ന് സൈനിക വക്താവ് കേണൽ ആ൪.കെ. പൽട അറിയിച്ചു.