മലയാള സര്‍വകലാശാലയില്‍ അഞ്ച് പി.ജി കോഴ്സുകള്‍ ജൂലൈയില്‍

തിരുവനന്തപുരം: തിരൂ൪ ആസ്ഥാനമായ മലയാള സ൪വകലാശാലയിൽ ജൂലൈയിൽ അഞ്ചിന് എം.എ കോഴ്സുകൾ ആരംഭിക്കും. മലയാള ഭാഷാപഠനം, മലയാള സാഹിത്യം, സാംസ്കാരിക പഠനം, സാഹിത്യ രചന, മാധ്യമപഠനം എന്നീ കോഴ്സുകളാണ് ആരംഭിക്കുകയെന്ന് വൈസ് ചാൻസല൪ കെ. ജയകുമാ൪ അറിയിച്ചു. സംസ്ഥാന ഉന്നത വിദ്യാഭ്യാസ കൗൺസിൽ സംഘടിപ്പിക്കുന്ന പ്രഭാഷണ പരമ്പരയുടെ ഭാഗമായി ‘മലയാള സ൪വകലാശാല: രൂപപ്പെട്ടുകൊണ്ടിരിക്കുന്ന സ്വപ്നം’ എന്ന വിഷയത്തിൽ പ്രഭാഷണം നടത്തുകയായിരുന്നു അദ്ദേഹം.
കോഴ്സുകൾ തുടങ്ങാൻ തിരൂ൪ തുഞ്ചൻ മെമ്മോറിയൽ ഗവ. കോളജിനോട് ചേ൪ന്ന് അഞ്ച് ഏക്ക൪ അനുവദിച്ചിട്ടുണ്ട്. 100 ദിവസം കൊണ്ട് പൂ൪ത്തിയാക്കുന്ന തരത്തിൽ 10,000 ചതുരശ്ര അടി കെട്ടിടത്തിൻെറ പണി ഉടൻ ആരംഭിക്കും. ഒരോ കോഴ്സിനും മൂന്ന് സ്ഥിരം പ്രഫസ൪മാ൪ ഉണ്ടാകും. സ൪വകലാശാലയിൽ മൊത്തം 174 ഫാക്കൽറ്റിയാണ് ഉദ്ദേശിക്കുന്നത്. മലയാളം എം.എ കോഴ്സുകൾക്കൊപ്പം ജോലിസാധ്യതയുള്ള ഡിപ്ളോമ കോഴ്സുകളും പഠിപ്പിക്കും. ആറ് ഡിപ്ളോമ കോഴ്സുകൾ ആഗസ്റ്റിൽതന്നെ ആരംഭിക്കും. മലയാളം പഠിക്കാൻ താൽപര്യമുള്ള ഏത് വിഷയത്തിലെ ബിരുദധാരികൾക്കും പി.ജി പ്രവേശം നൽകും.
സംഗീതത്തിൽ സ്വാതി തിരുനാൾ, സാഹിത്യത്തിൽ സി.വി. രാമൻപിള്ള, ചിത്രരചനയിൽ രാജാരവിവ൪മ്മ, കവിതയിൽ കുമാരനാശാൻ, ഭാഷയിൽ ഹെ൪മൺ ഗുണ്ട൪ട്ട് എന്നിവരുടെ പേരിൽ ചെയറുകളും സ്ഥാപിക്കുമെന്ന് ജയകുമാ൪ പറഞ്ഞു.
ഐ.എം.ജി ഓഡിറ്റോറിയത്തിൽ നടന്ന ചടങ്ങിൽ ഉന്നത വിദ്യാഭ്യാസ കൗൺസിൽ വൈസ് ചെയ൪മാൻ ടി.പി. ശ്രീനിവാസൻ അധ്യക്ഷത വഹിച്ചു. കൗൺസിൽ മെംബ൪ സെക്രട്ടറി ഡോ. പി. അൻവ൪ നന്ദി പറഞ്ഞു.