ഐ ലീഗ് രണ്ടാം ഡിവിഷന്‍ ഫൈനല്‍ കൊച്ചിയില്‍

കൊച്ചി: കേരളത്തിൻെറ മണ്ണിലേക്ക് വീണ്ടും ഫുട്ബാൾ ആരവം എത്തുന്നു. ഐ ലീഗ് രണ്ടാം ഡിവിഷൻ ഫൈനൽ മത്സരങ്ങൾക്ക് കൊച്ചി വേദിയാകുകയാണ്.ഏപ്രിൽ ഒന്ന് മുതൽ കൊച്ചി ജവഹ൪ലാൽ നെഹ്റു സ്റ്റേഡിയത്തിലാണ് ഫൈനൽ റൗണ്ട് മത്സരങ്ങൾ. മേയ് പകുതിവരെ മത്സരങ്ങൾ നടക്കും. വിവിധ സ്ഥലങ്ങളിലായി നടക്കുന്ന രണ്ടാംഡിവിഷൻ ക്ളസ്റ്റ൪ മത്സരങ്ങളിൽ നിന്ന് വിജയികളാകുന്നവരാണ് ഫൈനൽ റൗണ്ടിൽ എത്തുക. ഫൈനൽ റൗണ്ടിൽ ഏഴ് ടീമുകൾ പങ്കെടുക്കുമെന്നാണ് സൂചന. ഇതിൽ മുന്നിലെത്തുന്ന രണ്ട് ടീമുകൾക്ക് അടുത്ത ഐ ലീഗിലേക്ക് പ്രവേശനം ലഭിക്കും. കേരളത്തിൽ നിന്ന് ജോസ്കോ എഫ്.സി, കൊച്ചിയിലെ ഈഗിൾസ് എഫ്.സി എന്നീ രണ്ട് ടീമുകളാണ് രണ്ടാം ഡിവിഷനിൽ കളിക്കുന്നത്.