കെ.എസ്.ആര്‍.ടി.സി നഷ്ടം കുറക്കാന്‍ ഗ്രാമീണ സര്‍വീസുകള്‍ റദ്ദാക്കുന്നു

മലപ്പുറം: വരുമാനക്കുറവുള്ള ഗ്രാമീണ റൂട്ടുകളിലേക്കുള്ള കെ.എസ്.ആ൪.ടി.സി സ൪വീസ് റദ്ദാക്കൽ തുടരുന്നു. ജില്ലയിൽ മലപ്പുറം ഡിപ്പോയിൽ 14, പെരിന്തൽമണ്ണയിൽ പത്ത്, നിലമ്പൂരിൽ മൂന്ന് സ൪വീസുകൾ തിങ്കളാഴ്ച റദ്ദാക്കി.
പെരിന്തൽമണ്ണയിൽനിന്ന് ഗ്രാമീണ റൂട്ടുകൾക്കു പുറമേ വൈകുന്നേരം നാലിന് ഗൂഡല്ലൂരിലേക്കുള്ള അന്ത൪ സംസ്ഥാന സ൪വീസും തിരുവനന്തപുരത്തേക്ക് വൈകുന്നേരം ആറിനുള്ള സ൪വീസും റദ്ദാക്കി.
കിലോമീറ്ററിന് 25 രൂപ വരുമാനമില്ലാത്ത റൂട്ടുകളാണ് റദ്ദാക്കുന്നത്. ജില്ലയിൽ ഡീസലിന് ക്ഷാമമില്ലെന്ന് അധികൃത൪ അറിയിച്ചു.