കലക്ടര്‍ക്ക് ലഭിച്ചത് അര്‍പ്പണബോധത്തിനുള്ള അംഗീകാരം

കോട്ടയം: കോട്ടയത്തിൻെറ ജനപ്രിയകലക്ട൪ പുരസ്കാര നിറവിൽ. തുട൪ച്ചയായി രണ്ടു വ൪ഷം മികച്ച കലക്ടറേറ്റിനുള്ള പുരസ്കാരം കോട്ടയത്തിന് നേടിക്കൊടുത്ത മിനി ആൻറണിയെത്തേടി ഇത്തവണത്തെ മികച്ച കലക്ട൪ക്കുള്ള പുരസ്കാരമെത്തിയത് അ൪പ്പണബോധത്തോടെയുള്ള പ്രവ൪ത്തനങ്ങൾക്കുള്ള അംഗീകാരമായി.
2009 സെപ്റ്റംബ൪ അഞ്ചിനാണ് ജില്ലാ കലക്ടറായി മിനി ആൻറണി ചുമതലയേറ്റത്. 2009-10, 2010-11 വ൪ഷങ്ങളിലാണ് കോട്ടയം മികച്ച കലക്ടറേറ്റിനുള്ള പുരസ്കാരത്തിന് അ൪ഹമായത്.
വിശ്രമരഹിത പ്രവ൪ത്തനങ്ങളാണ് മിനി ആൻറണിയെ വേറിട്ട് നി൪ത്തുന്നത്. ജില്ലയുടെ ഏതറ്റത്തും ഒരേപോലെ ഓടിയെത്തുന്നത് കലക്ടറെ ജനപ്രിയയാക്കി. ഭൂരഹിതരായ 827 പേ൪ക്കാണ് പട്ടയങ്ങൾ വിതരണം ചെയ്തത്. രണ്ടുലക്ഷത്തിലധികം ആളുകളെ വിവിധ പദ്ധതികളിലുൾപ്പെടുത്തി 60 കോടിയോളം രൂപയുടെ ധനസഹായം നൽകുന്നതിന് നടപടി സ്വീകരിച്ചു. ജില്ലയിൽ 69.2034 ഹെക്ട൪ സ്ഥലം പൊതു ആവശ്യത്തിനുവേണ്ടി പൊന്നുംവിലയ്ക്കെടുത്തു. നെൽവയലുകളുടെയും ചതുപ്പുനിലങ്ങളുടെയും വിവരങ്ങൾ ശേഖരിച്ച് പട്ടിക പ്രസിദ്ധപ്പെടുത്തിയതും ഇവരുടെ നേട്ടമായിരുന്നു.
സംസ്ഥാനത്ത് ആദ്യമായി ദുരന്തനിവാരണ ഏകോപനത്തിനായി ദുരന്തനിവാരണകേന്ദ്രം, മുഖ്യമന്ത്രിക്കും മറ്റുമന്ത്രിമാ൪ക്കും അടിയന്തരഘട്ടങ്ങളിൽ കൂടിയാലോചനക്ക് ച൪ച്ചാമുറി എന്നിവ കലക്ട൪ സജ്ജീകരിച്ചിരുന്നു. ദുരന്തനിവാരണപ്രവ൪ത്തനങ്ങൾക്കായി ഉദ്യോഗസ്ഥ൪, സന്നദ്ധസംഘടനകൾ, സ്ഥാപനങ്ങൾ, ആശുപത്രികൾ എന്നിവയുടെ വിവരങ്ങൾ ചേ൪ത്ത് ഡയറക്ടറിയും തയാറാക്കി. ശബരിമല തീ൪ഥാടനകാലത്തെ പ്രവ൪ത്തനങ്ങൾ ഏകോപിപ്പിക്കുന്നതിന് പ്രത്യേക കൺട്രോൾ റൂമുകൾ തുറക്കുകയും ടെലിഫോൺ ഡയറക്ടറി പ്രസിദ്ധീകരിക്കുകയും ചെയ്തു.
താഴത്തങ്ങാടി, ശബരിമല ദുരന്തവേളയിലെ പ്രവ൪ത്തനങ്ങൾ, ഖരമാലിന്യ സംസ്കരണത്തിന് തദ്ദേശസ്വയംഭരണവകുപ്പുമായി ചേ൪ന്ന് സ്വീകരിച്ച നടപടികൾ, ജില്ലയെ പ്ളാസ്റ്റിക് രഹിതജില്ലയായി പ്രഖ്യാപിച്ചത് തുടങ്ങിയവയും മിനി ആൻറണിയുടെ മികവിന് സാക്ഷ്യപത്രമായി. റവന്യൂ പിരിവിലും സംസ്ഥാനത്ത് ഒന്നാം സ്ഥാനത്താണ് ജില്ല.
ഡെപ്യൂട്ടി കലക്ട൪(എൽ.എ) കെ.വി.സാബുവിനെ ജില്ലയിലെ മികച്ച ഡെപ്യൂട്ടി കലക്ടറായും തെരഞ്ഞെടുത്തു. ചുരുങ്ങിയ സമയപരിധിക്കുള്ളിൽ ഭൂമി ഏറ്റെടുക്കൽ നടപടി പൂ൪ത്തിയാക്കി വിവിധ വികസനപദ്ധതികൾക്ക് വേഗം പക൪ന്നതാണ് പുരസ്കാരത്തിന് അ൪ഹനാക്കിയത്. ചിങ്ങവനം-വെള്ളൂ൪ റെയിൽപാത ഇരട്ടിപ്പിക്കൽ, മൂവാറ്റുപുഴ-തിരുവല്ല എം.സി റോഡ് വികസനം, കോട്ടയം-കുമരകം റോഡ്, മണ൪കാട്-പട്ടിത്താനം ബൈപാസ്, കാഞ്ഞിരപ്പള്ളി ബൈപാസ്, മുണ്ടക്കയം ബൈപാസ്, കുമാരനല്ലൂ൪, മൂലേടം റെയിൽവേ മേൽപ്പാലങ്ങൾ, പാലാ, കടുത്തുരുത്തി മേഖലകളിലെ വിവിധ റോഡ് വികസനപദ്ധതികൾ തുടങ്ങിയവയുടെ പ്രവ൪ത്തനങ്ങളിൽ നി൪ണായക പങ്ക് വഹിച്ചിട്ടുണ്ട്.
ഞായറാഴ്ച കോട്ടയത്ത് നടക്കുന്ന റവന്യൂ ദിനാചരണത്തിന് മുന്നോടിയായാണ് മന്ത്രി അടൂ൪ പ്രകാശ് അവാ൪ഡുകൾ പ്രഖ്യാപിച്ചത്. രാവിലെ 10.30ന് കോട്ടയം മാമ്മൻ മാപ്പിള ഹാളിൽ മുഖ്യമന്ത്രി ഉമ്മൻ ചാണ്ടി പുരസ്കാരം സമ്മാനിക്കും.