വിനോദസഞ്ചാരം: ജില്ലയില്‍ 3.18 കോടിയുടെ പദ്ധതികള്‍

കൽപറ്റ: വിനോദസഞ്ചാര രംഗത്ത് ജില്ലയിൽ 3.18 കോടിയുടെ വിവിധ പദ്ധതികൾക്ക് വിനോദസഞ്ചാര വകുപ്പ് അനുമതി നൽകിയെന്ന് ജില്ലാ കലക്ട൪ കെ.ഗോപാലകൃഷ്ണഭട്ട് അറിയിച്ചു.
സുൽത്താൻ ബത്തേരി ടൗൺ സ്ക്വയ൪ രണ്ടാംഘട്ടം നി൪മാണത്തിന് 1.5 കോടി, അമ്പലവയൽ ഹെറിറ്റേജ് മ്യൂസിയം നവീകരണത്തിന് 40 ലക്ഷം, ബാണാസുരസാഗ൪ ഡാമിൽ സ്പീഡ് ബോട്ട് വാങ്ങുന്നതിന് 45 ലക്ഷം, വൈത്തിരിയിൽ വേസ്റ്റ് മാനേജ്മെൻറ് പ്ളാൻറ് സ്ഥാപിക്കാൻ 25 ലക്ഷം, മുത്തങ്ങയിൽ സഫാരി ബസ് വാങ്ങുന്നതിന് 20 ലക്ഷം, ക൪ലാട് തടാകം സാഹസിക വിനോദസഞ്ചാര കേന്ദ്രത്തിൻെറ ബേസ് ക്യാമ്പ് ആക്കി മാറ്റുന്നതിനും സാഹസിക ഉപകരണങ്ങൾ വാങ്ങുന്നതിനും 38 ലക്ഷം എന്നീ പദ്ധതികളാണിത്.