പലചരക്ക് കടയില്‍നിന്ന് 440 കുപ്പി അരിഷ്ടം പിടികൂടി

തിരുവമ്പാടി: കൂടരഞ്ഞി മഞ്ഞക്കടവിലെ പലചരക്ക് കടയിൽ അനധികൃതമായി വിൽപനക്ക് വെച്ച 440 കുപ്പി അരിഷ്ടം പൊലീസ് പിടിച്ചെടുത്തു.
കടയുടമ മഞ്ഞക്കടവ് പനച്ചിയിൽ മത്തായിക്കെതിരെ (54) തിരുവമ്പാടി പൊലീസ് കേസെടുത്തു.
11 പെട്ടികളായി സൂക്ഷിച്ചിരുന്ന 200 മില്ലീലിറ്റ൪ വീതമുള്ള അരിഷ്ട കുപ്പികളാണ് പിടികൂടിയത്. ഇയാൾക്ക് അരിഷ്ടം വിൽക്കാൻ ലൈസൻസ് ഇല്ലെന്ന് പൊലീസ് പറഞ്ഞു.
രഹസ്യവിവരം ലഭിച്ചതിനെതുട൪ന്നാണ് കടയിൽ തിരുവമ്പാടി പൊലീസ് പരിശോധന നടത്തിയത്.