ഹരിയാനയില്‍ മാനഭംഗത്തിന് ഇരയായ ദലിത് പെണ്‍കുട്ടി മരിച്ചു

റോഹ്തക്: ഹരിയാനയിലെ സോണാപെട്ടിൽ മാനഭംഗത്തിന് ഇരയായതിനെ തുട൪ന്ന് ആത്മഹത്യക്ക് ശ്രമിച്ച ദലിത് പെൺകുട്ടി ആശുപത്രിയിൽ മരിച്ചു. 16 കാരിയായ 10ാം ക്ളാസ് വിദ്യാ൪ഥിനിയാണ് ആശുപത്രിയിൽ മരിച്ചത്. ജനുവരി അഞ്ചിന്, അയൽവാസിയായ രാകേഷിൻെറ പീഡനത്തിന് ഇരയായ പെൺകുട്ടി ദേഹത്ത് മണ്ണെണ്ണയൊഴിച്ച് തീകൊളുത്തുകയായിരുന്നു. ദിവസങ്ങളോളം ഗുരുതരാവസ്ഥയിൽ കഴിഞ്ഞ പെൺകുട്ടി വെള്ളിയാഴ്ച രാവിലെയാണ് മരണത്തിനു കീഴടങ്ങിയതെന്ന് ആശുപത്രി വൃത്തങ്ങൾ അറിയിച്ചു. രാകേഷിനെ സംഭവം നടന്ന് 24 മണിക്കൂറിനകം പൊലീസ് അറസ്റ്റ് ചെയ്തിരുന്നു.