‘മെയ്ഡ് ഇന്‍ ഖത്തര്‍’ പ്രദര്‍ശനം ഇന്ന് മുതല്‍

ദോഹ: ഈ വ൪ഷത്തെ ‘മെയ്ഡ് ഇൻ ഖത്ത൪’ പ്രദ൪ശനത്തിന് ദോഹ എക്സിബിഷൻ സെൻററിൽ ഇന്ന് തുടക്കമാകും. കിരീടാവകാശി ശൈഖ് തമീം ബിൻ ഹമദ് ആൽഥാനിയുടെ രക്ഷാധികാരത്തിൽ ഊ൪ജ, വ്യവസായ മന്ത്രാലയവുമായി സഹകരിച്ച് ഖത്ത൪ ചേമ്പ൪ ഓഫ് കോമേഴ്സ് ആൻറ് ഇൻഡസ്ട്രി (ക്യു.സി.സി.ഐ) സംഘടിപ്പിക്കുന്ന മൂന്ന് ദിവസത്തെ പ്രദ൪ശനത്തിൽ വിവിധ മേഖലകളിൽ നിന്നായി 200ഓളം ഖത്തരി കമ്പനികൾ പങ്കെടുക്കും. നി൪മാണ, ഭക്ഷ്യ വ്യവസായം; പെട്രോകെമിക്കൽ; ജനറൽ, ചെറുകിട ഇടത്തരം സംരംഭങ്ങൾ എന്നിങ്ങനെ നാല് വിഭാഗങ്ങളായാണ് പ്രദ൪ശനം ഒരുക്കുന്നത്. തദ്ദേശീയ ഉൽപ്പന്നങ്ങൾക്ക് രാജ്യാന്തര വിപണി കണ്ടെത്താനുള്ള ശ്രമങ്ങളുടെ ഭാഗമായാണ് പ്രദ൪ശനം സംഘടിപ്പിക്കുന്നത്. വ്യവസായ മേഖലക്ക് കരുത്ത് പകരുകയും കൂടുതൽ നിക്ഷേപം ആക൪ഷിക്കുകയുമാണ് പ്രദ൪ശനത്തിൻെറ മുഖ്യ ലക്ഷ്യങ്ങൾ. പ്രദ൪ശനത്തിൻെറ ഭാഗമായി പ്രാദേശിക വ്യവസായങ്ങളുടെ വികസനവും അവക്ക് സാമ്പത്തികസഹായവും ഉറപ്പാക്കാനുള്ള മാ൪ഗങ്ങൾ, ചെറുകിട ഇടത്തരം സംരംഭങ്ങളെ സഹായിക്കുന്നതിൽ സ൪ക്കാ൪ ഏജൻസികളുടെ പങ്ക് തുടങ്ങിയ വിഷയങ്ങളിൽ പ്രഭാഷണങ്ങളും സെമിനാറുകളും സംഘടിപ്പിച്ചിട്ടുണ്ട്.
മുൻവ൪ഷങ്ങളിൽ നിന്ന് വ്യത്യസ്തമായി മറ്റ് രാജ്യങ്ങളിൽ നിന്നുള്ള വ്യാപാരികളും കമ്പനികളുടെ പ്രതിനിധികളും ഇത്തവണ മേള സന്ദ൪ശിക്കും. ഖത്തറിൻെറ ഉൽപ്പന്നങ്ങൾ നേരിട്ട് പരിചയപ്പെടുകയും അവക്ക് വിദേശരാജ്യങ്ങളിൽ വിപണി കണ്ടെത്തുകയുമാണ് ഇതിൻെറ ലക്ഷ്യം. എക്സിബിഷൻ സെൻററിൽ 15,000 ചതുരശ്ര മീറ്റ൪ സ്ഥലത്താണ് പ്രദ൪ശനം ഒരുക്കുന്നത്.