പണിമുടക്ക്: പലയിടത്തും ചേരിതിരിഞ്ഞ് സംഘര്‍ഷം

കോഴിക്കോട്: പങ്കാളിത്ത പെൻഷൻ നടപ്പാക്കുന്നതിനെതിരെ ഇടത് അനുകൂല സ൪ക്കാ൪ ജീവനക്കാരും അധ്യാപകരും നടത്തുന്ന അനിശ്ചിതകാല സമരം നാലാം ദിവസവും ജില്ലയിൽ ശക്തമായി തുട൪ന്നു. വിവിധ കേന്ദ്രങ്ങളിൽ വെള്ളിയാഴ്ചയുണ്ടായ സംഘ൪ഷത്തിൽ ആറുപേരെ പരിക്കേറ്റ് ബീച്ച് ആശുപത്രിയിൽ പ്രവേശിപ്പിച്ചു.
ജില്ലയിൽ 72.61 ശതമാനം ജീവനക്കാ൪ ജോലിക്ക് ഹാജരായെന്നാണ് ഔദ്യാഗിക കണക്ക്. ഇത് ശരിയല്ലെന്നും 80 ശതമാനം പേ൪ സമരത്തിലാണെന്നും സമര സമിതി നേതാക്കൾ പറഞ്ഞു.
കോഴിക്കോട് സിവിൽ സ്റ്റേഷനിലുണ്ടായ സംഘ൪ഷത്തിൽ പരിക്കേറ്റ ജലസേചന വകുപ്പ് ജീവനക്കാരനും എൻ.ജി.ഒ യൂനിയൻ ഭാരവാഹിയുമായ കെ. ജസിൽ കുമാ൪, എൻ.ജി.ഒ അസോസിയേഷൻ പ്രവ൪ത്തകരായ കെ.കെ. പ്രമോദ് കുമാ൪, പി.എൻ. ബൈജു(പി.ഡബ്ള്യു.ഡി) സെയിൽസ് ടാക്സ് ഓഫിസ് പരിസരത്തുണ്ടായ സംഘ൪ഷത്തിൽ പരിക്കേറ്റ എൻ.ജി.ഒ യൂനിയൻ പ്രവ൪ത്തകരായ കെ.പി. പ്രഭാത്, കെ. മുരളീധരൻ, എൻ.ജി.ഒ അസോസിയേഷൻ പ്രവ൪ത്തകൻ പി. ബാബുരാജ് എന്നിവരെ ബീച്ച് ആശുപത്രിയിൽ പ്രവേശിപ്പിച്ചു.
നഗരത്തിനടുത്ത് ആഴ്ചവട്ടം സ്കൂളിൽ വിദ്യാഭ്യാസ മന്ത്രി പി.കെ. അബ്ദുറബ്ബ് പങ്കെടുത്ത വേദിയിലേക്ക് സമര സമിതി നടത്തിയ മാ൪ച്ച് പൊലീസ് തടഞ്ഞു. അധ്യാപക സ൪വീസ് സംഘടനയുടെ ആഭിമുഖ്യത്തിൽ ധ൪ണനടത്തി.
ഈസ്റ്റ്ഹിൽ ഗവ. ഹയ൪ സെക്കൻഡറി സ്കൂളിലും സമരാനുകൂലികൾ അതിക്രമം കാണിച്ചതായി പരാതി ഉയ൪ന്നു. ഇതിൽ സ്റ്റാഫ് കൗൺസിൽ പ്രതിഷേധിച്ചു.
മാനാഞ്ചിറ പി.ഡബ്ള്യൂ.ഡി ഓഫിസിൽ ജോലിക്കെത്തിയവരും സമരാനുകൂലികളും തമ്മിൽ ഉന്തുംതള്ളുമുണ്ടായി. സിവിൽ സ്റ്റേഷൻ പരിസരത്ത് അധ്യാപക സ൪വീസ് സംഘടനകളുടെ ആഭിമുഖ്യത്തിൽ മാ൪ച്ച് നടത്തി. എളമരം കരീം എം.എൽ.എ ധ൪ണ ഉദ്ഘാടനം ചെയ്തു. ഇ.കെ. വിജയൻ എം.എൽ.എ, വരുൺ ഭാസ്ക൪ തുടങ്ങിയവ൪ സംസാരിച്ചു. വടകര സിവിൽ സ്റ്റേഷനു മുന്നിൽ നടന്ന ധ൪ണ സി.കെ. നാണു എം.എൽ.എ ഉദ്ഘാടനം ചെയ്തു. എം. മുരളീധരൻ (സമരസമിതി ജില്ലാ ചെയ൪മാൻ), എൻ. സുരേഷ്, ഷാജി, വിമല ടീച്ച൪, പത്മകുമാ൪, നന്ദകുമാ൪ തുടങ്ങിയവ൪ സംസാരിച്ചു.
കൊയിലാണ്ടി സിവിൽ സ്റ്റേഷനു മുന്നിൽ നടന്ന ധ൪ണ കെ. ദാസൻ എം.എൽ.എ ഉദ്ഘാടനം ചെയ്തു. മുനിസിപ്പൽ ചെയ൪മാൻ കെ. ശാന്ത, സമര സഹായ സമിതി കൺവീന൪ സി. കുഞ്ഞമ്മദ്, ബാലൻ മാസ്റ്റ൪ (എ.കെ.എസ്.ടി.യു), രജീഷ് (ഡി.വൈ.എഫ്.ഐ), സുധാകരൻ മാസ്റ്റ൪(പെൻഷനേഴ്സ് യൂനിയൻ, എൻ.വി. ബാലകൃഷ്ണൻ എന്നിവ൪ സംസാരിച്ചു.